Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Skandali me të dhënat, çfarë dëshmoi Zuckerberg në Kongres

Politiko 12 Prill 2018, 08:09
Skandali me të dhënat, çfarë dëshmoi Zuckerberg

Skandali me të dhënat e përdoruesve të Facebook gjatë fushatës elektorale, ngjalli reagimin të përdoruesve të kësaj mediaje sociale por dhe të institucioneve.

Mark Zuckerberg dëshmoi dje para senatorëve, por raundi i dytë ishte më i ashpër. Themeluesi i Facebook u përball me pyetje të vështira mbi praktikat e grumbullimit të të dhënave nga kompania dhe nevojën për një rregullore të re, gjatë seancës 5-orëshe para Komisionit të Energjisë dhe Tregtisë në dhomën e përfaqësuesve.

Kujtojmë që kjo ishte seanca e dytë dhe e fundit dëgjimore, lidhur me skandalin e Cambridge Analitica, e cila e çoi në 10 orë, kohën totale të dëshmisë së tij në Capitol Hill.

Zuckerberg mori mbi vete përgjegjësinë për shfrytëzimin e të dhënave të mbi 87 milionë përdoruesve, por nuk dha një përgjigje të vendosur përballë presionit të demokratit Frank Pallone, për t’iu përgjigjur me po ose jo pyetjes nëse do të ndryshonte opsionet e përgjithshme të Facebook, për të minimizuar grumbullimin e të dhënave.

Themeluesi i platformës e cilësoi këtë një çështje komplekse që meritonte një përgjigje të përbërë nga më shumë se një fjalë. Për Pallonen përgjigja e tij ishte zhgënjyese. I shtyrë nga një deputete, Zuckerberg pranoi se edhe të dhënat e tij u janë shitur Cambridge Analytica, e lidhur me fushatën presidenciale të Donald Trumpit.

Po ashtu ekziston mundësia që Facebook të ndjekë penalisht kompaninë londineze. Më pas 33-vjeçari u dakordësua me idenë e rregullatorëve për kompanitë e internetit, duke e përkufizuar këtë si një hap të pashmangshëm.

Të fundit