Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sondazhet e opozitës, Bardhi: Kuotat e qeverisë janë në nivelet më të ulëta në 30 vite pluralizëm

Politiko 2 Maj 2020, 08:22

Sondazhet e opozitës, Bardhi: Kuotat e qeverisë janë në

Sekretari i Përgjithshëm i PD, Gazment Bardhi bëri përgjegjëse qeverinë, sipas tij për situatën e rënduar ekonomike në vend, për shkak të pamjaftueshmërisë së paketave të ndihmës.

I ftuar në emisionin “Java” në TVSH, Bardhi ka komentuar edhe deklaratën e kreut të bashkisë Tiranë, Erion Veliaj, i cili tha se mezi po priste të nistë fushatën për mandatin e tretë, si dhe foli edhe mbi sondazhet që kryen opozita për të parë impaktin në opinion për qëndrimet e veta.

“Kryetari i bashkisë së Tiranës në parashtrimin e vet se sa mirë po e bën punën dhe po i ndihmon qytetarët, ndërkohë që i ka braktisur qytetarët, t’i kishte informuar që jo më larg se dje në mes të krizës së pandemisë në këshillin bashkiak ka propozuar shpronësimin e një tjetër prone publike të bashkisë së Tiranës për t’ia dhënë atë një oligarku. Dhe fakti që kryetari i bashkisë së Tiranës mendon për oligarkët edhe në kohë krize më bëri që unë të qesh, kur thotë se “me zor po pres të vijë fushata”. Në fakt me zor po presin qytetarët shqiptarë që të vijë fushata që t’i japin ndëshkimin e merituar modelit që më shumë mendon për propagandën dhe oligarkët se për njerëzit e varfër dhe qytetarët që kanë nevojë për mbështetje.

Për të kaluar tek sondazhet, sondazhet tona flasin për një nivel më të ulët historik mbështetjeje që ka patur ndonjëherë një qeveri në 30 vite pluralizëm në Shqipëri. Në këtë moment që flasim, kuotat e kundërshtarit tonë politik janë në nivelet më të ulëta historike. Sigurisht, që Partia Demokratike dhe opozita edhe për shkak të qëndrimeve konstruktive, se e dëgjova që tha nuk kanë dhënë asnjë ndihmë, ne ndihmojmë qytetarët çdo ditë me ato mundësi që kemi, por ndryshe nga Erjon Veliaj, Edi Rama dhe gjithë qeveria e tij që me paratë tona, se nuk është se i blen me paratë e veta ato pakot, marrin 10 kameramanë me vete dhe shkojnë e denigrojnë dinjitetin e një njeriu të varfër duke e nxjerrë në foto për pakot me 2 kg makarona apo oriz.

Ne kemi zgjedhur të bëjmë një politikë ndryshe, me ndihmën e bizneseve të ndryshme që janë përkrahës të Partisë Demokratike të ndihmojmë me aq sa kemi mundësi familje apo qytetarë në nevojë. Dhe kemi vendosur, është vendim politik i kryetarit të partisë që ne mos të ekspozojmë me pakot e ushqimeve dhe me familjet në nevoja ekstreme për të shtyrë ditën apo për të ushqyer fëmijët.

Prandaj edhe unë me zor pres të vijnë zgjedhjet, mundësisht nesër, dhe jo vetëm Tirana, por e gjithë Shqipëria jam i bindur që do t’i prijnë ndryshimit dhe do t’i japin përgjigjen e merituar cilitdo që në kohë pandemie apo edhe në kohë normale nuk mendon për interesin e qytetarëve por mendon për interesin e një grushti të vogël njerëzish që pasurohen në kurriz të varfërisë së mijëra e mijëra qytetarëve shqiptarë”, tha Bardhi.