Flash News

Aksident i rëndë pranë TEG-ut, një betoniere bie nga mbikalimi në autostradë

Facebook, Instagram dhe Messenger jashtë funksionit për shumë përdorues!

Viktima e dytë nga moti i keq në Sarandë, gjendet i pajetë në det një peshkatar

Shkelën procedurat e punësimit të Muçi Shaljanit, 6 muaj burg për dy ish-zyrtarët e AMP-së

Humbi kontaktet me familjen/ Ambasada braziliane zbulon rastin e prostitucionit në Shqipëri

KRYESORE

Spitali i Traumës transferon shërbimin e pastrimit tek privati, tenderin e fiton pa garë ish-bashkëshortja e Nikolin Jakës

Politiko 22 August 2018, 11:21

Spitali i Traumës transferon shërbimin e pastrimit tek privati. Në këtë mënyrë, Qendra spitalore e Traumës është e para që procedon me këtë lloj transferimi të shërbimit drejt privatit, ndërsa punonjëset sanitare nuk janë më pjesë e administratës së spitalit.

Tenderi “për kryerjen e shërbimit të Pastrimit të ambienteve të brendshme dhe pastrim sistemim gjelbërimi i ambienteve të jashtme për Spitalin Universitar të Traumës”, është fituar nga operatori ‘Sori –al SHPK’, me administratore Alma Tafanin, e cila njihet edhe si ish-bashkëshortja e Nikolin Jakës, kryetari i Dhomës së Tregtisë, Nikolin Jaka, i përfolur vazhdimisht si një nga përfituesit më të mëdhenj të tenderave publikë.

Kontrata është lidhur më 6 gusht të këtij viti, ndërsa sipas të dhënave nga Open Procurement Albania . Ajo që bie në sy është që ky shërbim prej disa vitesh prokurohet përmes procedurës Negocim i Drejtpërdrejtë (pa konkurrim dhe garë).

“Ligji shqiptar i lejon këto lloj procedurash. Shpesh këto procedura më shumë se mungesë konkurrence në treg shfaqin opsione të formulimit të kritereve dhe afateve për dorëzim dokument në favor të një kompanie të paramenduar klienteliste. Këto tendera meritojnë të konsiderohen të ekspozuara dhe me risk”, thuhet në një sqarim të faqes Open Procurement Albania.

Në spitalet publike shqiptare drejt privatit është deleguar edhe pastrimi i ambienteve të brendshme të spitalit.

Sori –al është një kompani që merret me shërbimin e ushqimeve të gatuara shpërndarja tek pacientet, menca, realizimi i shërbimit të pastrimit të ambienteve të brendshme dhe të jashtme të objekteve publike dhe private, realizimin e shërbimeve të lavanterise, pastrimit kimik për entet publike dhe private etj.

Të fundit