Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

S’të them dot lamtumirë bukuroshe…

Politiko 29 Tetor 2017, 12:42
S’të them dot lamtumirë bukuroshe…

Gazetarja Anila Basha ka reaguar për ndarjen nga jeta të Adela Xhamanit. Basha thotë se ajo ishte vajza që nuk do ta harrojë lehtë askush që e takoi njëherë në jetë.

“Na zgjove këtë të diel me diell me lot dhe trishtim në sy. S’të them dot lamtumirë, sepse kush të takoi njëherë, s’do të të harrojë asnjëherë…”, e mbyll shkrmimin e saj Anila Basha në kujtim të gazetares Adela Xhamani.

Nga Anila Basha

Ajo ishte vajza që nuk do ta harrojë lehtë askush që e takoi njëherë në jetë. Fillimisht e morën për mendjelehtë, gocë spektakli, por bukuroshja adoleshente plot pasion na bëri të gjithëve ne që e njohëm, ta donim sipas mënyrës tonë.

Me ato sytë e mëdhenj të zinj që i qeshnin gëzueshëm, dinte të fitonte zemrën e gjithkujt për t’i dhënë një mundësi në hapat e saj të parë të karrierës. Dhe nuk u struk ekranit thjesht si një kukull që e ndriçoi për aq sa doli në skenë. Por si një vajzë e zgjuar, që rritej me pasionin për gazetarinë dhe pasionin për të bukurën. Dalëngadalë, mes miqsh e shokësh, mësoi shumë nga kolegët që e rrethonin, dhe aq e ëmbël ishte, sa edhe mos të kishe mundësi, ajo dinte ta vidhte atë.

Filloi punën te Gazeta Shqiptare me këmbëngulje, e rrethuar nga kujdesi i Eraldos dhe shefes së saj Rezartës.

Filloi të pyeste bukur e të ngacmonte e thumbonte aty ku duhej. Përpiqej gjithmonë të ruante e të nxirrte më të mirën e personazheve që intervistonte, ishte krejt e painteresuar për skandalin e thashethemin. E rëndësishme të thuhet është se askush nuk i thoshte “jo” vajzës lozonjare që të bënte përvete që në takimin e parë. Dhe tani do të niste një sfidë të re. Entoni, drejtori i Fax Neës më tregoi se studio e saj ishte në përfundim dhe Adelajda kishte bërë provat e para të emisionit të saj të mëngjesit. Do ta shihnim shumë shpejt në vendin ku i takonte, në punën që bënte më mirë.

Adelajda sa kishte filluar karrierën. Ndaj do më duket habi që nuk do ta shohim në ekran. Apo në festat e përhershme kur takoheshim të gjithë bashkë mes shoqërisë së bukur të Eraldos, Suadës, Fatmirës, apo Ervinit. Ku humbe bukuroshe? Na zgjove këtë të diel me diell me lot dhe trishtim në sy. S’të them dot lamtumirë, sepse kush të takoi njëherë, s’do të të harrojë asnjëherë….

 

Të fundit