Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Studenti i protestës së Dhjetorit bashkohet me Vetëvendosjen: Bashkë kundër diktaturës

Politiko 9 Maj 2019, 18:22

Klajdi Bello, një ndër të rinjtë që drejtoi protestën e studentëve në muajin Dhjetor, është bashkuar me Lëvizjen Vetëvendosje në Tiranë. Djaloshi që lëviz gjithnjë me një kokore në kokë, ishte dje i pranishëm në protestën kundër vizitës së Aleksandër Vuçiç dhe Milorad Dodik, ku dhe u shoqërua në polici për shkak të disa thirrjeve të tij.

Në një reagim në ‘Facebook’, Bello pretendon se nuk ka shkelur asnjë ligj dhe se mbajtja për disa orë në Komisariatin Nr.2  ishte anti-ligjore. “Ne nuk ndalemi, misioni ynë është në kufijtë e hyjnores, pasi po luftojmë për të mbrojtur të drejtat tona themelore. Instalimi i diktaturës nuk duhet lejuar në asnjë lloj mënyre. Të gjithë bashkë kundër këlyshave të diktaturës!”, përfundon ai.

Statusi i plotë:

Arrestimi im u krye në mënyrë gestapo nga agjent civil, në protestën kundër vizitës së vucic dhe dodic ku ne i shpallëm si persona non grata për krime kundër popullsisë Dardane(kosovare), ishte kryekëput hakmarrje e pastër rreth protestës maraton të studentëve të zhvilluar më parë përball kryeministrisë.

Në fakt, janë shkelur të gjitha ligjet mbi tubimet, pjesëmarrjen e ligjshme, të cilën e përcakton dhe e garanton Kushtetuta e Republikës së Shqipërisë.

Në asnjë moment nuk kam vën në rrezik, cënuar, fyer, denigruar, sulmuar figurën e personelit të policisë apo të kem kryer akte të paligjshme.

Prandaj, meqënëse arrestimi im ishte totalisht i paligjshëm, do të procedoj një kallëzim penal kundër efektivëve, agjentëve të policisë për tejkalim kompetencash dhe shkelje flagrante të Kushtetutës së Republikës së Shqipërisë.

Ne nuk ndalemi, misioni ynë është në kufijtë e hyjnores, pasi po luftojmë për të mbrojtur të drejtat tona themelore.

Instalimi i diktaturës nuk duhet lejuar në asnjë lloj mënyre.

Të gjithë bashkë kundër këlyshave të diktaturës!

Të fundit