Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Studimet shkencore: Njerëzit krijues e shohin botën ndryshe

Politiko 14 Qershor 2017, 19:29

Studimet shkencore: Njerëzit krijues e shohin botën ndryshe

Njerëzit krijues nuk janë të ndryshëm nga pjesa tjetër e njerëzve vetëm për shkak të punës së mahnitshme dhe të vlefshme që prodhojnë. Nga ana tjetër kreativiteti i jashtëzakonshëm nuk është aspak çështje personaliteti. Dallimet mes krijuesve të talentuar dhe pjesës tjetër të botës mesa duket shkojnë edhe më thellë, sipas hulumtimeve më të fundit.

Në fakt, njerëzit krijues e shohin botën ndryshe, sipas një studimi interesant të kohëve të fundit të publikuar në The Conversation nga dy psikologë australianë.

Bota duket ndryshe nëse jeni shumë krijues.

Çfarë nënkuptojmë me të parit të botës ndryshe? Në një studim intrigues të realizuar nga studiuesit Luke Smillie dhe Anna Antinori, vullnetarëve pjesëmarrës iu paraqit nga një imazh i ndryshëm. Syri i djathtë mund të shohë një copë të kuqe, për shembull, dhe i majti një të gjelbër. Si e trajton truri i çdo pjesëmarrësi këtë informacion vizual kontradiktor? Përgjigjja varet nga niveli i kreativitetit të subjektit.

Mendjet krijuese u përshtatën midis dy imazheve, ndonjëherë duke vendosur që bota duhet të jetë e kuqe dhe herë të tjera që duhet të jetë e gjelbër. “Për vëzhguesin, imazhet duket se ndërrohen herë pas here me njëri-tjetrin,” shpjegojnë psikologët.

Por rezultatet ishin të ndryshme për ata që më parë kishin treguar tipare të kreativitet të jashtëzakonshëm nga testet psikologjike standarde. Në vend që të shihnin imazhe të alternuara, mendjet më krijuese ishin në gjendje t’i trajtonin më mirë kontradiktën dhe konfuzionin duke realizuar një kombinim të dy imazheve.

Çfarë do të thotë kjo? Miku juaj, gjeni i kreativitetit me pak fjalë nuk e sheh botën në të njëjtën mënyrë si ti. “Gjetjet tona sugjerojnë se tendencat krijuese të njerëzve të hapur shtrihen deri në perceptimin themelor të pamjes. Njerëzit e hapur mund të kenë përvoja mesatare vizuale të ndryshme nga ato të një personi mesatar”, përfundojnë Smillie dhe Antinori.

A është bota juaj e mbushur me gorilla?

Megjithatë, ky nuk është dallimi i vetëm midis vizionit të mendjes krijuese që shkenca ka zbuluar. A e keni parë videon më poshtë? Nëse jo, merrni një moment për ta parë atë.

Vini re ndonjë gjë të çuditshme? Nëse jeni duke e tronditur kokën e hutuar, gjasat janë të jeni pranë nivelit “jashtëzakonisht të hapur” ndaj përvojave të reja, një tipar i lidhur ngushtë me kreativitetin.

Nëse habiteni se si dikujt mund t’i ketë kaluar djali me kostum gorille pa vënë re, atëherë përgëzime! Mund të jeni më të hapur dhe kreativë se dikush mesatar. “Ndjeshmëria juaj ndaj verbërisë së pavetëdijshme [pamundësia juaj për të parë gorillën kur jeni duke u fokusuar në topa] varet nga personaliteti juaj: njerëzit e hapur kanë më shumë gjasa ta shohin gorillën në videoklip,” shpjegojnë psikologët, shkruan Pikkom.

Këto dallime midis shumë të hapur dhe atyre të krijimtarisë mesatare janë të ndërlidhura, besojnë Smillie dhe Antinori. “Duket se më shumë informacion vizual kalon në perceptimin e ndërgjegjshëm për njerëzit me një hapje të hapur, ata shohin gjërat që të tjerët nuk munden,” shkruajnë ata duke përmbledhur këtë linjë intriguese kërkimi.