Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Studimi, goditja në tru mund të dyfishojnë rrezikun e demencës

Politiko 5 Shtator 2018, 16:29
Studimi, goditja në tru mund të dyfishojnë rrezikun e

Sipas një studimi të fundit, pësimi i një goditjeje në tru mund të dyfishojë rrezikun për t’u prekur nga demenca.

Një ekip studiuesish nga Universiteti i Exeterit ka analizuar të dhënat mbi goditjet dhe rrezikun e demencës nga 48 studime të ndara, që përfshijnë rreth 3.2 milionë njerëz në mbarë botën.

“Kemi zbuluar se një përjetim goditjeje rrit rrezikun e demencës me rreth 70 për qind, ndërsa rastet e fundit tregojnë se ky rrezik është dyfishuar apo edhe më shumë. Duke parë shpeshtësinë e ndodhjeve të goditjeve dhe demencës, kjo lidhje e fortë mes dy ngjarjeve është një gjetje e rëndësishme. Përparimet që janë bërë në lidhje me parandalimin e goditjeve dhe kujdesin pasi ka ndodhur një e tillë në tru, luajnë një rol kyç edhe në parandalimin e demencës”, shprehet Dr. Ilianna Lourida nga Shkolla e Mjekësisë së Universitetit të Exeterit.

Presioni i lartë i gjakut (hipertensioni), diabeti dhe sëmundjet kardiovaskulare janë që të gjitha faktorë rreziku për goditjet në tru dhe që të gjitha mund të parandalohen potencialisht apo edhe të trajtohen.

Dihet gjithashtu dhe është thuajse e pranuar, se normat e demencës dhe goditjeve në tru janë më të ulëta te njerëzit me një stil aktiv jetese, që konsumojnë dieta të shëndetshme dhe ruajnë një moshë trupore të pranueshme. Të qenit mbipeshë shton rrezikun e pësimit të një goditjeje ishemike me 22 për qind, ndërsa obezët kanë një rrezik prej 64 për qind për t’u prekur.

Demenca vaskulare është njëra formë e sëmundjes, e cila shkaktohet nga goditje të vogla në tru, por analizat, e publikuara në revistën mjekësore “Alzheimer’s & Dementia”, përfshijnë të gjitha format e goditjeve dhe demencës. Autorët theksojnë gjithashtu se shumica e njerëzve që kanë pësuar një goditje nuk pësojnë menjëherë edhe demencë.

Të fundit