Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Studimi/ Helmi i bletës shkatërron qelizat e HIV-it

Politiko 9 Korrik 2017, 18:11
Studimi/ Helmi i bletës shkatërron qelizat e HIV-it

A e keni menduar ndonjëherë pse bletët janë aq të rëndësishme për mbijetesën tonë? Një nga njëmijë arsyet është fakti se ato mund të ndihmojnë në shërimin e AIDS-it.

“Nëse bletët zhduken nga sipërfaqja e Tokës, njerëzimi ka vetëm katër vite kohë për të jetuar. Nëse nuk ka më bletë, nuk ka më pllenim, nuk ka më njerëz”, kishte thënë Albert Einstein.

Shkencëtarët nga Universiteti i Mjekësisë “Washington” në St. Louis, kanë gjetur se duke shpuar vrima në shtresën mbrojtëse që e rrethon HIV-in dhe viruset e tjera, melittini – një helm i gjetur në helmin e bletës – vret virusin HIV duke e lënë trupin të padëmtuar, transmeton Gazeta Express.

Ky zbulim mund të çojë në krijimin e ilaçeve që janë imune ndaj rezistencës së HIV-it, duke krijuar gel vaginal anti-HIV që mund të parandalojë shpërndarjen e tij.

Në testet laboratorike, hulumtuesit e futën melittinin në nanogrimca, që janë më të vogla fizikisht se sa HIV. Kur nanogrimcat e mbushura me melittin ranë në kontakt me qelizat normale, ato u ‘frynë’.

Por kur ranë në kontakt me qelizat e HIV, nanogrimcat me melittin e shpuan mbrojtësen e virusit dhe e vranë atë. “Shpresa ynë është që në vendet ku HIV është më i përhapur, njerëzit do të mund të përdornin gelin vaginal si një parandalues të përhapjes së infeksionit”, tha Dr. Joshua Hood, një hulumtues në Universitetin Washington.

Studimi, i publikuar në gazetën “Antiviral Therapy”, erdhi pasi hulumtuesit në SHBA raportuan se është shëruar një foshnje me HIV në Mississippi, vetëm pasi kishte marrë terapinë 30 orë pas lindjes.

Të fundit