Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Studimi më i ri: Europianët preferojnë karikim për telefonin në vend të parave

Politiko 17 Korrik 2019, 15:32

Pajisjet teknologjike, veçanërisht telefonat e zgjuar janë kthyer në një mjet të domosdoshëm të cilët nuk përcjellin vetëm një nga format e komunikimit por edhe një burim emocionesh. Studimi më i fundit europian i realizuar nga Samsung ka dalë në përfundimin se 35% e të anketuarve do të preferonin të huazonin karikim në telefon në vend të parave.

Studimi i mbi 6.500 të anketuarve tregon se ndarja e baterisë së telefonit është një dhuratë shumë e çmuar në botën moderne. Kur ne ndajmë telefonin tonë ose baterinë e tij, tani po ndajmë një pjesë intime e vetes dhe po ofrojmë një lidhje personale, e cila ka krijuar një formë të re të monedhës sociale dhe sjelljes njerëzore - 'dashamirësi digjitale'.

Hulumtimi tregoi se gatishmëria për të ndarë baterinë e telefonit mund të përdoret si një tregues i interesit, i cili rritet me afërsinë që keni (ose dëshironi të keni) me dikë.

Për shembull, të anketuarit treguan hezitimin më të madh për ndarjen e karikimit me një të huaj (14%), kundrejt një kolegu (39%), anëtarit të familjes (72%), mik ose partner (të dyja me 62%).

Megjithatë, ndarja e karikimit ka një rezultat të fuqishëm për të gjithë të përfshirët. 62% e njerëzve thonë se ata do t’i blinin një të huaji një kafe në këmbim të baterisë së telefonit. 7% madje thanë se do të ishin të gatshëm për të shkuar në një takim me ta.

Tashmë, ndarja e baterisë së telefonit ka filluar të shihet si pjesë e njohjes (romantike) moderne dhe diçka që mund të forcojë një lidhje romantike: mbi një e pesta (21%) e të gjithë të anketuarve thanë se do të ishte gjesti më i vlerësuar në një takim. Megjithatë, 76% mbeten të kujdesshëm dhe nuk do të ishin të gatshëm të ndanin baterinë me dikë që në takimin e parë, me mesataren e pritjes deri në takimin e tretë.

Kjo ‘novelë’ e monedhës sociale në marrëdhëniet romantike është veçanërisht e përhapur në gjeneratën Z dhe Millennials: pothuajse dy të tretat (62%) e 18-34 vjeçarëve të anketuar do të ndanin baterinë me interesin e tyre romantik me qëllim të njohjes së mëtejshme.

Psikologia e sjelljes, Katherine Templar Leëis, është shprehur duke thënë se:

Duke iu referuar kërkimeve nga Masloë - një psikolog që ka hulumtuar nevojat që motivojnë sjellje njerëzore - telefonat tanë po bëhen një përparësi në jetën e përditshme. Ofrimi i diçkaje aq të çmuar sa ngarkimi i telefonit aktivizon rajonet dhe kimikatet në tru të lidhura me kënaqësinë dhe besimin. Kjo rritje e oksitocinës shkakton një efekt të ngrohtë shkëlqimi, i njohur si një 'euforia e ndihmësit’, i cili në këmbim çon në një lidhje më të fortë shoqërore. Ndarja e baterisë është një mënyrë e shkëlqyer për të bërë miq të rinj ose për të ndezur romancën pasi hap një dimension të ri të sjelljes dhe ndërveprimit njerëzor.

Teknologjia PowerShare e Samsung Galaxy S10 lejon përdoruesit të ndajnë baterinë e telefonit në mënyrë të drejtpërdrejtë me pajisje të tjera të përputhshme. Hulumtimi u krye për të shënuar lancimin e Samsung S10. Samsung gjithashtu ka zhvilluar një udhëzues mirësie digjitale për të ndihmuar navigimin e PowerShare, tani dhe në të ardhmen.

Drejtor i Portofolit dhe Strategjisë së Produkteve Celulare, në Samsung Electronics, Mark Notton shprehet:

Teknologjia e re që i lejon telefonat të ndajnë me valë baterinë e tyre po heq varësinë nga karikuesit tradicionalë ndërkohë që ndihmon në evolimin e sjelljes moderne dixhitale të njeriut. Çuditërisht, hulumtimi ynë zbuloi se heqja dorë nga karikimi i baterisë për të ndihmuar dikë tjetër ishte një mjet i fuqishëm për lidhjen shoqërore dhe nxitjen e besimit më të madh në marrëdhëniet moderne. T’i kërkoni dikujt të ndajë baterinë me ju ose edhe duke ofruar të ndani baterinë me ta - mund të bëhet gjithnjë e më e zakonshme.

Gjetjet e tjera kryesore përfshijnë:

Gjenerata Z dhe Millennials kanë më pak të ngjarë të ndajnë baterinë me një të huaj: Grupmosha 18-34 vjeç është grupmosha me më pak gjasa për të ndarë baterinë me një të huaj në nevojë (21%).

Baby boomers do ta ndajnë baterinë me të huajt, por jo për dashuri: Ata të moshës 55+ kishin më shumë gjasa të shkëmbenin me një të huaj në nevojë (36%), por më pak të gatshmit të ndanin me një interes potencial romantik (21%).

Pavarësisht nga përfitimet për të gjithë të përfshirët, ne jemi akoma ‘shkëmbyes’ ngurrues: Një e treta (33%) thonë se do të gënjenin për nivelin e baterisë së telefonit të tyre për të shmangur ndarjen me dikë tjetër.

Zyra është një vend më pak miqësor kur bëhet fjalë për shkëmbimin e baterisë: 41% e të anketuarve thonë se një koleg që kërkon të marrë hua një telefon apo karikues është një nga pyetjet më të bezdisshme në vendin e punës.