Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Studimi/ Vetëm 4% e shqiptarëve nuk do të përfshiheshin kurrë në një aferë korruptive

Politiko 29 Tetor 2019, 20:09

Shqiptarët konsiderojnë si më pak të korruptuar në shoqëri mësuesit, gazetarët dhe mjekët, ndërkohë që administrata publike vazhdon që të shikohet si mjaft problematike. Ky është përfundimi i studimit të qendrës për Kërkime Ekonomike, që sërish sivjet mati perceptimin e korrupsionit nga opinioni publik.

Referuar studimit, 44,8 për qind e qytetarëve të anketuar pranuan se kanë pasur presion dhe u është kërkuar ryshfet nga ana e zyrtarëve publikë për zgjidhjen e një problemi.

“Grupet e perceptuara si më të korruptuara nga publiku vazhdojnë të mbeten gjyqtarët, prokurorët, nëpunësit e doganave dhe tatimeve, nëpunësit e administratës së drejtësisë, partitë politike dhe drejtuesit e tyre. Mbeten edhe këtë radhë e njëjta renditje; pra nuk ka një rikthim të besimit të publikut ndaj këtyre institucioneve, edhe pse reforma e shpallur me bujë pritet të japë frytet, po ndoshta është në fillimet e veta” - tha Zef Preçi, drejtues i Qendrës për Kërkime Ekonomike dhe një nga autorët e studimit për “Zërin e Amerikës”.

Shqetësues është fakti se afro gjysma e qytetarëve të anketuar u shprehën që administrata i ka bërë presion për ryshfet në këmbim të shërbimeve publike. Po ashtu gjysma e të anketuarve pohuan se kanë dhënë ryshfet për të marrë shërbime publike dhe gati gjysma e qytetarëve të anketuar pohuan që ishin gati të bënin të njëjtat presione korruptive, nëse do të këmbenin vendet me zyrtarin publik.

4 % deklarojnë se nuk do të përfshiheshin kurrë në një aferë korruptive, por mbi 20% e të anketuarve kanë ende shpresë në çrrënjosjen e korrupsionit.

“Janë më shumë se sa 1/5, ose 22% e të intervistuarve që deklarojnë me besim se korrupsioni do të mund të çrrënjoset. Ky është një tregues në krahasim me matjet e mëparshme dhe që jep shpresë se zbatimi i reformës në drejtësi, siç u mbështet fuqishëm nga SHBA dhe BE, është një mundësi e mirë që kjo dukuri të ndëshkohet” - tha zoti Preçi.

Referuar studimit, korrupsioni i vogël me dhurata nën dorë ia ka lënë vendin korrupsionit të lartë e të sofistikuar nëpërmjet kontratave të pakuptueshme dhe marrëveshjeve të fshehta.

Të fundit