Sulm me thikë në Francë, një i vdekur dhe dy të plagosur

Francë

Një person humbi jetën dhe dy të tjerë mbetën të plagosur, pas një sulmi me thikë ditën e sotme në Francë.

Ngjarja ndodhi në Villejuif, afër Parisit dhe mediat vendase bëjnë me dije se autori u vra nga policia franceze.

Sipas dëshmitarëve, agresori i cili kishte veshur një jelek shpërthyes, ka bërtitur “Allah Akbar” dhe më pas kishte filluar të sulmonte me thikë njerëzit në rrugë.

Autoritetet kanë këshilluar njerëzit të shmangin kalimin në zonën ku ndodhi sulmi.