Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sulmohet parlamenti grek pas votimit të masave shtrënguese për borxhin

Politiko 18 Maj 2017, 21:20

Sulmohet parlamenti grek pas votimit të masave shtrënguese për

Në kohën kur brenda Parlamentit grek, Qeveria “Tsipras” po përballej me opozitën në debatin për votimin e masave shtrënguese që duhet të marrë Greqia me qëllim marrjen e dorëzanisë së radhës prej FMN-së dhe Bashkimit Europian, mijëra grekë protestonin jashtë godinës kundër këtyre masave.

Protestuesit e udhëhequr prej sindikatave kërkuan prej ligjvënësve grekë që të mos i votojnë ato, me gjithë kërcënimin e “Trojkës” se nëse masat shtrënguese nuk votohen, atëherë programi i ndihmës për Greqinë nuk do të vazhdojë dhe vendi do të përballet me një “Grexit” të mundshëm.

Sindikatat thonë se programi i masave nuk do të funksionojë dhe taksat që qeveria do t’iu shtojë grekëve do t’i sjellin vendit recesion. Sindikalistët këmbëngulin se ka mundësi të tjera, veç taksave, për t’i dhënë shtysë ekonomisë greke që ndodhet në kolaps të plotë.

Por qeveria e Alexis Tsipras beson se presioni që po bëjnë kreditorët nuk lë shumë shpresë për lehtësim të politikave të diktuara prej FMN-së dhe Bashkimit Europian. Si kundërpeshë, qeveria thotë se ka një plan masash lehtësuese për shtresat në nevojë.

Gjatë protestës së mbrëmjes në sheshin “Sindagma” të Athinës, një grup prej 150-200 protestuesish hodhën bomba molotov dhe sende të forta kundër forcave të rendit, të ngarkuara me ruajtjen e rendit.

Manisë shkatërruese të ekstremistëve anarkistë nuk i shpëtoi as “post-roja” e rojeve presidenciale “Evzoneve”, ku si pasojë e sulmit me molotovë një prej tyre mori flakë dhe u shkatërrua plotësisht.

Për fat, pak minuta më herët, rojet presidenciale ishin larguar, duke shmangur një tragjedi, por edhe turpërim publik të vendit, pasi rojet presidenciale janë forca ushtarake më e respektuar në vend.

Pamjet e sulmit mbi godinën e “Evzoneve” greke jashtë Parlamentit në Athinë, tashmë kanë filluar të bëjnë xhiron e botës, gjë që pritet të dëmtojë imazhin e vendit në kulmin e sezonit turistik, industrisë së vetme fitimprurëse që ka aktualisht vendi, përcjell TCh.

Ndërkohë, në Parlament vazhdon debati. Qeverisë do t’i duhen të paktën 151, nga 153 deputetë që kjo aleancë ka aktualisht. Shumë deputetë të alenacës qeverisëse kanë kërcënuar se nuk do t’i votojnë ato, por kryeministri Alexis Tsipras iu ka vënë atyre përballë dilemën: ose votojnë pro masave shtrënguese për vazhdimin e programit, ose vendi përballet me zgjedhje të parakohshme, pasojat e të cilave do të jenë katastrofike për koalicionin “Syriza-Anel”, të cilin sondazhet e nxjerrin të paktën 12-15% prapa konservatorëve të “Demokracisë së Re” të udhëhequr prej Kyriakos Mitsotakis.