Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Tabaku: Qeveria Rama u tërhoq nga dy projekte mafioze, çfarë fshihet pas

Politiko 20 Prill 2020, 12:26

Tabaku: Qeveria Rama u tërhoq nga dy projekte mafioze, çfarë

Ish-deputetja e Partisë Demokratike Jorida Tabaku, duke cituar një pjesë të raportit të FMN, shkruan se qeveria Rama është tërhequr në kohë nga dy projekte mafioze, duke shtyrë apo pezulluar në kohë si ligjin e Korporatës ashtu edhe ligjin për Amnistinë Fiskale.

Në një postim në Facebook ajo thekson se megjithëse qeveria i pezulloi këto dy ligje, nuk ka vend për gëzim, pasi kjo mund të jetë një manovër për FMN-në për të binduar ata që të disbursojnë ndihmën.

Tabaku thotë se FMN dhe Banka Botërore kanë nënvizuar se ky ligj ishte po aq i rrezikshëm sa PPP-të për buxhetin e shtetit.

Reagimi i plotë

Në raportin e fundit të FMN u lajmërua se qeveria e kryeministrit Rama është tërhequr nga dy projekte skandaloze dhe mafioze. Sipas raportit të FMN qeveria ka shtyrë apo pezulluar në kohë si ligjin e Korporatës ashtu edhe ligjin për Amnistinë Fiskale.

Ligji i Korporatës së Investimeve është një hallkë e një zinxhiri kriminal të vjedhjes dhe abuzimit të pronës private dhe asaj publike. Duke qenë se ligji konfiskonte gjithçka për interes të një pakice që tanimë kontrollon ekonominë dhe qeverinë, që miraton apo shkarkon ligje dhe ministra, ai kishte si synim vazhdimin me abuzimin si me të drejtat e njeriut dhe me buxhetin e shtetit apo asetet publike (pra tokën).

Opozita ka bërë një betejë një vjeçare duke e kundërshtuar këtë ligj por edhe institucione serioze ndërkombëtare si FMN dhe Standard and Poor’s kanë nënvizuar rrisqet fiskale dhe jo vetëm. FMN dhe Banka Botërore kanë nënvizuar se ky ligj ishte po aq i rrezikshëm sa PPP-të për buxhetin e shtetit.

Gjithsesi kjo tërheqje e përkohshme e qeverisë nuk lë vend për shumë gëzim. Ajo me gjasë ka qenë një manovër për të bindur FMN që të disbursojë ndihmën. Një tërheqje e përkohshme që padyshim shënjon një hap pozitiv por jo definitiv, pasi aktorët e vërtetë të këtij ligji do të përpiqen ta implementojnë sa më shpejt të jetë e mundur.

Kjo, ngase ky projekt është i ngritur mbi arrognacën dhe vizionin e tyre oligarkik të Shqipërisë. Një vizion që ka zhytur në këtë gjendje amullie buxhetin e shtetit që nuk mund t’i përgjigjet sot nevojave imediate që ka ekonomia dhe shoqëria në këtë periudhë krize. Përballë kësaj filozofie qeverisjeje nuk është rastësi shtyrja në kohë, por askush nuk duhet të harrojë që ne do të jemi aty për ta luftuar.

Padyshim që ditën e parë të mundësisë do ta zhbëjmë edhe këtë ligj, që është në kolanën e ligjeve kriminale që bie ndesh me të drejtën e pronës dhe parimet bazë të ekonomisë.