Tahiri merr zemër, ndërhyn në “Opinion”: Jam burrë, Ramës ia them gjërat në sy

Ish-ministri, Saimir Tahiri ka ndërhyrë në emisionin “Opinion”, ku po diksutohet për vendimin e “Krimeve të Rënda”. Tahiri mohoi se i ka dërguar mesazhe të koduara Edi Ramës dhe Fatmir Xhafajt me frazën: “Këtu ka njerëz që nuk mbajnë përgjegjësi për vëllezërit e tyre”.

“Fevzi e kam dëgjuar këtë. Jam aq burrë sa t’i them drejtperdrejt ato që mendoj, nuk lodhem me mesazhe të koduara”, sqaroi Tahiri.

“Javën e ardhshme, të hënën jam gati të vijë në emisionin ‘Opinion’ të përballem me këdo aty”, deklaroi Tahiri.

Tahiri komentoi edhe dënimin e Gjykatës së Krimeve të Renda me ‘shërbim prove”: “U hetova dy vjet si trafikant, tani nuk jam trafikant dhe meqë kam disa kushërinj tani kam shpërdoruar detyrën”, deklaroi ai.