Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Te ‘Astiri’ protestohet për të mos përfunduar rrugëve, Erion Veliaj i hipën “trenit hibrid”

Politiko 9 Nëntor 2018, 13:51
Te ‘Astiri’ protestohet për të mos përfunduar

Kryebashkiaku i Tiranës, Erion Veliaj duket se jeton në një planet tjetër dhe jo në të njëjtin qytet me banorët që ka për detyrë të qeverisë. Te zona e Unazës së Re në kryeqytet (ndryshe ‘Astiri’) po protestohet çdo ditë kundër planit të ARRSH-së për prishjen e gati 400 banesave dhe bizneseve, me qëllim zgjerimin e rrugës.

Por kjo situatë nuk ka rënë ende në sytë dhe veshët e kryebashkiakut Veliaj që sot ka folur për trena hibrid dhe autobusë elektrikë.

“Lajmi i mirë që na erdhi nga Edi dhe Damiani është se do t’i rikthehemi trenit të Tiranës, aty ku ka qenë stacioni i trenit. Risia është se do të kemi një tren elektrik në Tiranë. Kemi zgjedhur një tren hibrid, i cili do të punojë me karburant pasi lë Tiranën, por sa hyn në Tiranë, do të punojë me energji elektrike”, ka deklaruar sot Veliaj në takimin me militantë socialistë në Njësinë 9.

Ndonëse te ‘Astiri’ ka fëmijë që rrezikojnë të përfundojnë rrugëve dhe po bëjnë thirrje çdo ditë që kërkesat e tyre të dëgjohen, Veliaj sërish nuk i merr në konsideratë, ndonëse fëmijët i përdor për çdo fushatë.

“Ndaj, i jam shumë mirënjohës Edi Ramës, Ogertës, qeverisë sonë, shumicës socialiste, që votoi për herë të parë ligjin që ndalon vjetërsirat që vijnë nga Europa, me mbi 10 vjet përdorim. Për të marrë një makinë jemi gati që t’i fusim fëmijëve helm në mushkëri, por kjo nuk shkon”, deklaroi Veliaj, ndërsa bëri të ditur se Bashkia e Tiranës do të japë shembullin e para, duke futur autobusët elektrikë në transportin publik.

ARRSH kërkon të zgjerojë rrugën që lidh zonën e Shkollës Teknologjike me sheshin ‘Shqiponja’, por ky plan rrezikon të nxjerrë në rrugë rreth 2 mijë banorë. Autoritetet qendrore dhe lokale kanë ndërprerë papritur procesin e legalizimit për banesat, ndërkohë që ka familje që pretendojnë se kanë edhe hipotekë për pronat e tyre.

Të fundit