Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Të fala nga karantina italiane

Politiko 17 Mars 2020, 13:38
Të fala nga karantina italiane

nga Elton Nikolli

Fjalën karantinë e kisha hasur për herë të parë vetëm vitin që shkoi në një bisedë.

Me ta dëgjuar më dha pështypjen e një burgu, të cilit i drejtohesh me vetëdije pa një vendim gjykate paraprak.

Pa kaluar shumë, e gjej veten në karantinë, në shtëpinë time, në një zonë ku shtëpitë kanë marrë pamjen e karantinës dhe ku vetkarantinimi është detyrim.

Në Lombardinë e Italisë fqinje, ku vetëm dy javë më parë jeta vraponte si një Ferrari.

Karantina tradicionale tashmë është shtëpia e secilit prej nesh.

Një hapsirë me sallon e kuzhinë, me dhoma gjumi e ballkone, të cilat çdo çast që kalon të duken më të ngushta, mbytëse e çoroditëse.

Botën e sheh të ndaluar dhe të krijojet përshtypja se tashmë rreth saj rrotullohet dielli, për të bërë të mundur vazhdimin e ndërrimit elegant mes ditës dhe natës.

Fillon të kërkosh arsye të qenësishme se përse gjendesh në burg, i padënuar, i pafajshëm dhe i pamundur të dalësh paçka se çelësat e qelisë-karantinë i ke varur anash derës së rëndë që tashmë hapet shumë rrallë për të mos thënë fare.

Ditët janë të pazakonta.

Lëvizja matet me numrin 100 të gjysëm-hapave.

Gjunjët të mpihen vetiu, e kështu zhdërvjelltësia i lë vend letargjizmit të përhumbur në lipsjen për të kuptuar situatën në të cilën ndodhesh.

Por karantina s’është vrasëse.

Veçse na bën të reflektojmë e të kuptojmë se mbase ka një arsye përtej rrezikut të vazhdueshëm të një virusi të panjohur.

Pasi mbledh veten nga e gjithë situata ku gjendesh më shumë i habitur se i frikësuar, fillon e mendon sesi jeta do të rikthehet sërish.

Sesi do vrapojë në rrugët e qytetit.

E sesi sheshet do të gumëzhijnë përsëri.

Nis të ridimensionosh jetën tënde dhe kupton që ajo është një e vetme dhe se momentet janë ato që më së shumti kanë vlerë.

Papritur nënqesh me vete duke menduar sesi karantina të bëri të kuptosh rëndësinë e disa gjërave të thjeshta të cilat i nënvlerëson në një ditë të zhurmshme.

Përpos faktit që është jetike në një luftë të ashpër kundër armikut të padukshëm të jetës, karantina këtë herë është jetike për të kuptuar, se, një botë që vrapon shumë shpejt është e destinuar të privohet nga disa momente që shijohen vetëm kur udhëton ngadalë!

Lombardi, Itali 17.03.2020

 

 

Të fundit