Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Të pasigurte për kontratën me MIE, pezullohet dhënia me koncesion e TEC-it të Vlorës

Politiko 16 Mars 2019, 13:02

Të pasigurte për kontratën me MIE, pezullohet dhënia me

Në një njoftim për mediat, Ministria e Infrastrukturës dhe Energjisë ka njoftuar pezullimin për një kohë të pacaktuar të dhënies me koncesion të Termocentralit të Vlorës.

Kompanitë janë shprehur skeptike për kontratën dhe kanë kërkuar sqarime duke përpiluar 48 kërkesa.

"Pas vizitës në terren, nga ana e operatorëve ekonomikë të interesuar janë bërë tashmë 48 kërkesa për sqarime, kryesisht të karakterit teknik, duke kërkuar informacione shtesë por dhe të karakterit ligjor, që kanë të bëjnë me formën e Kontratës Koncesionare (ROT) për termocentralin dhe ndërtim, forma (BOT) për tubacionin e gazit, që ndikon në hartimin e “Business Plan” të shoqërive,"- citohet në deklaratën e MIE.

Sakaq, MIE njofton se ka pezulluar procedurën me qëllim shqyrtimin dhe sqarimin e palëve të interesuara në lidhje me kërkesat e paraqitura prej tyre në AK.

Deklarata e plotë e MIE:

Lidhur me lajmet e publikuara në media për procedurën e dhënies me koncension të Termocentralit të Vlorës, Ministria e Infrastrukturës dhe Energjisë sqaron se: Në Dokumentet e Procedurës Konkurruese për dhënien me koncesion/PPP të Termocentralit të Vlorës, ka qenë parashikuar një vizitë në terren, me datë 15 Janar 2019, në të cilën morën pjesë 27 përfaqësues nga shoqëri të interesuara. Shumicës së këtyre shoqërive (23) pasi kanë plotësuar dhe dorëzuar Formularin e Konfidencialitetit i është dhënë aksesi në Bazën e të Dhënave (Data Room), administruar nga Konsulenti i angazhuar në këtë procedure – Roland Berger, në të cilat ndodhen të dhëna teknike dhe financiare rreth termocentralit ekzistues të Vlorës. Pas vizitës në terren, nga ana e operatorëve ekonomikë të interesuar janë bërë tashmë 48 kërkesa për sqarime, kryesisht të karakterit teknik, duke kërkuar informacione shtesë por dhe të karakterit ligjor, që kanë të bëjnë me formën e Kontratës Koncesionare (ROT) për termocentralin dhe ndërtim, forma (BOT) për tubacionin e gazit, që ndikon në hartimin e “Business Plan” të shoqërive. Procedura e dhënies së Koncesionit/PPP, nisur nga këto kërkesa, është pezulluar përkohësisht dhe Komisioni është duke vlerësuar të gjitha kërkesat e paraqitura. Ministria e Infrastrukturës dhe Energjisë në cilësinë e Autoritetit Kontraktor, nisur nga qëllimi dhe parimet e Ligjit, për nxitjen e pjesëmarrjes dhe rritjen e transparencës dhe konkurrueshmërisë në këtë procedurë konkurruese, ka pezulluar procedurën me qëllim shqyrtimin dhe sqarimin e palëve të interesuara në lidhje me kërkesat e paraqitura prej tyre në AK, me synim mundësimin e pjesëmarrjes të sa më shumë ofertuesve në këtë objekt procedurë koncesionare, i cili është mjaft i rëndësishëm për sistemin elektro-energjetik Shqiptar dhe zhvillimin e sektorit të Gazit në Shqipëri.