Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Tendencat e vjeshtë-dimër 2018

Politiko 6 Nëntor 2018, 18:36

Nëse do të thonim se tendencat e modës vjeshtë/dimër 2018 janë me të vërtetë joshëse, prapë do të ishte nënvlerësim. Disa prej tendencave më kyçe të sezonit të ri kanë pushtuar menjëherë vitrinat e emrave më në zë të modës e madje edhe rrugët e kryeqyteteve, sepse modelet nuk presin.

Që nga veshjet me print leopardi e deri te kristalet, njihuni më poshtë me trendet e sezonit.

Printet animal

Veshjet dhe aksesorët me printe kafshësh pushtuan paraserelat e Londrës, Nju-Jorkut, Milanos dhe Parisit. Palltot dhe këpucët me printe leopardi padyshim do të jenë dy prej formave më të përhapura, por ka edhe një shumëllojshmëri printeve si ai i gjarprit, pitonit, zebrës, gatopardit apo krokodilit që vijnë, qoftë në tone klasike apo neutrale, por edhe në versione të mrekullueshme me ngjyra.

70 hijet e kafes

Ka një kthim pas në modën e viteve ’70 në pasarelat e vjeshtë/dimër 2018, por mënyra se si do të ndikojë kjo në stilin tuaj personal është përmes ngjyrës kafe. Nga veshjet dhe aksesorët monograme ngjyrë bezhë – çokollatë të Fendi-t, tek krijimet magjepsëse të Chloe me çdo nuancë të mundshme të këtij toni (shpesh nga koka te këmbët), nuk abuzojmë nëse themi se kafja është përfundimisht ‘e zeza e re’.

Fustanet e shkurtra

Nëse ka një gjë të cilën do e shihni shumë në instagramet e blogereve janë këmbët dhe fustanet mini. Modelet që do të shihen gjithandej këtë sezon janë të njëjtë me ato të party në vitin 1989, që do të thotë me materiale sateni, të mëndafshta, kadife, me kristale dhe zbukurime e detaje të përdorura me bollëk, por në fustane shumë të shkurtra. Të kombinuara me bizhuteri, këpucë, çanta, aksesorë, flokët, apo doreza dhe syze, këto veshje do të jetë me siguri ato që do të dominojnë sezonin e festimeve të fundvitit.

Çizmet “me rrudha”

Ka çizme ‘cowboy’, çizme deri te gjuri apo me print gjarpri të gjitha këto gati për sezonin e vjeshtës, por megjithatë nëse ka një palë që do të qarkullojnë më së shumti janë çizmet me rrudha. Një rikthim ky në vitet ’70 ose në stilin e Sienna Miller të 2004-ës.

Kristale në gjithçka

Duke parë tendencat magjike të kësaj vere, do të shohim se dizajnerët më ‘cool’ janë tashmë të përfshirë në trendin e kristaleve. Që nga atletet me bizhuteri gjigante të varura të Gucci-t, te aksesorët (karficat dhe kapëset) e flokut tejet popullore, shohim se ka elementë e gura kristali që i përshtatet çdo shijeje të mundshme.

Hilet e reja të “shtresave”

Ka nisur tashmë të qarkullojë trendi i disa veshjeve mbi njëra-tjetrën, ose quajtur ndryshe i shtresave. Fustan mbi gold, xhaketë mbi xhaketë, shall mbi pallto, e kështu me radhë, këtë dimër çlironi fantazinë dhe rrini ngrohtë me disa shtresa veshur.

Shkëlqimi i kuadratave të kuqe dhe printeve skoceze

Nga bluzat prej tartani në funde dhe copën tipike skoceze janë vetëm disa prej atyre që do të konkurrojnë printet animale.

Bluja pastel

Nëse ngjyra kafe ju duket më IN në këtë sezon, disajnerët nuk mendojnë kështu. Ata kanë përshtatur ngjyrën blu verore në ton të ngrohtë-pastel, për ta bërë të përshtatshme dhe moderne edhe në muajt e dimrit. Bluja pastel gjen përdorim në kostume me pantallona, palltot e rënda apo në pulovrat e thurura.

Shallet me printe

Ky në fakt është një mikrotrend që me të vërtetë mund të kthehet në makro. Kthimi i foulardëve të mëndafshit klasik në veshje, si edhe në formën e shajeve dhe shamive të kokës, e kemi parë tashmë në mediat sociale.

Çanta të stilit “Carrie Bradshaw”

Çantat e preferuara të Carrie Bradshaw janë të gjitha duke u rikthyer tani dhe do të jetë trendi që do të shohim më shpesh këto. Çanta të vogla dore me logo e zinxhirë janë vetëm një pjesë e tyre, ndaj bëhuni gati