Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Tensionet diplomatike mes Holandës dhe Turqisë.

Politiko 13 Mars 2017, 17:13
Tensionet diplomatike mes Holandës dhe Turqisë.

Ministri i Jashtëm i Turqisë, Mevlut Cavusoglu, u ndalua të hynte në Hollandë të shtunën, ndërsa intensifikohet kundërshtimi ndaj një fushate turke në gjithë Bashkimin Evropian.

Të dielën ministri i Jashtëm turk, Cavusoglu, tha se pret që Holanda t'i kërkojë falje. Dhe se vendi i tij do të vazhdojë marrjen e masave kundër Holandës, deri sa të ndodhë kjo. Më vonë në të njëjtën ditë nuk u lejua të marrë pjesë në një miting në Rotterdam, ministrja turke e Familjes, e cila vinte nga Gjermania. Policia holandeze e deklaroi person të padëshiruar dhe e shoqëroi pas në kufirin me Gjermaninë.

Marrëdhëniet ndërmjet Turqisë dhe Evropës po pësojnë një rënie,  pasi edhe Gjermania dhe Austria kundërshtuan vizitat e ministrave turq për të zhvilluar fushatë për referendumin e ardhshëm në Turqi, për ndryshimet kushtetuese.

Ankaraja kërkon të rrisë mbështetjen në radhët e miliona turqve që jetojnë në Evropë, për t’i dhënë më shumë pushtet Presidentit Erdogan, ndoshta edhe duke i siguruar atij mundësinë e qëndrimit në post deri në vitin 2029 nëpërmjet referendumit të 16 prillit.

Ankaraja zyrtare e ka përqëndruar fushatën për referendumin në ato vende të BE-së ku numri i turqve me të drejtë vote është veçanërisht i madh. Në Gjermani këta persona janë 1,4 milionë vetë, në Austri 280.000 vetë dhe në Holandë 260.000 vetë.

Mirëpo, sikur një fushatë politike e një vendi të Bashkimit Europian të zhvillohej në Turqi apo rivali i tij politik, Fethulla Gulen, ta bënte këtë, çfarë qëndrimi do mbante Turqia ?

Vështirë për ta përcaktuar, por le të krahasojmë Holandën dhe Turqinë sa i përket lirisë së shprehjes. Oraganizata ndërkombëtare jo-qeveritare ‘reporterët pa kufinj’ në indeksin e vitit 2016 për lirinë e shtypit në botë i rendit kështu këto dy vende: nga 180 vende të përfshira në studim, Holanda rënditet e dyta me 8.76 ndërsa Turqia në vendin e 151-të me 50.76. (https://rsf.org/en/ranking#)

Vlen të theksohet se, aktualisht, në Turqi ndodhen të burgosur 153 gazetarë për shkak të detyrës dhe diferenca midis këtyre vendeve mund të zgjerohet pas grushti të shtetit në Turqi në raportin e vitit 2017.

Të fundit