Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Testimi i byzylykëve elektronikë, Ministria e Drejtësisë sqaron pse nuk u bë sot procesi i verifikimit

Politiko 10 Gusht 2017, 18:49
Testimi i byzylykëve elektronikë, Ministria e Drejtësisë

Pas dorëzimit një ditë më parë të 300 byzylykëve elektronikë me vlerë 1.5 mln euro në Ministrinë e Drejtësisë do të kryhej sot testimi i funksionimit të pajisjeve në prani të përfaqësuesve të kompanisë.

Por testimi nuk u bë i mundur pasi sipas Ministrisë së Drejtësisë asnjë zyrtar i kompanisë nuk është paraqiuor sot në ministri.

Njoftimi i Ministrisë së Drejtësisë:

Në vijim të procesit të ditës së djeshme për marrjen nën ruajtje të byzylykëve elektronikë pranë Ministrisë së Drejtësisë‎, sot sipas procesverbaleve të nenshkruara midis kompanisë dhe grupit të punës në Ministrinë e Drejtësisë, do të duhej të kryhej procesi i verifikimit të funksionaliteteve të pajisjeve, me qëllim përfundimin e procesit të marrjes së tyre në dorëzim.

Fillimisht u ra dakord që procesi sot të fillonte në orën 9.00. Përfaqesuesit e kompanise nuk u paraqitën. Për këtë arsye, grupi i punës rinjoftoi kompaninë që procesi do fillonte në orën 16.00. Edhe në orarin e ri përfaqësuesit e kompanisë nuk u paraqitën.

Grupi i punës ka vendosur që të bëjë testin e njerës prej pajisjeve për të parë funksionalitetin. Në varësi të këtij testimi, do të njoftohen edhe masat ligjore që do të marrë Ministria e Drejtësisë mbi këtë çështje.

Të fundit