Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Thyhet Ivanov pas takimit me Hoyt Yee: Pengesat për krijimin e qeverisë mund të tejkalohen

Politiko 1 Maj 2017, 14:29
Thyhet Ivanov pas takimit me Hoyt Yee: Pengesat për krijimin e

Presidenti i Maqedonisë Gjorge Ivanov pas takimit me diplomatin amerikan Hoyt Yee në një komunikatë për mediat ka kërkuar nga Shtetet e Bashkuara ndihmë në tejkalimin e pengesave për t’i dhënë mandatin shumicës së re parlamentare.

Në takimin midis Yee dhe Ivanovit është biseduar për situatën e re të krijuar politike dhe mundësitë për tejkalimin e së njëjtës në përputhje me Kushtetutën dhe Ligjet e Maqedonisë.

Presidenti në këtë komunikatë e dënoi për herë të parë dhunën në Kuvend mbrëmjen e së enjtes, duke kërkuar zgjidhjet të kërkohen nëpërmjet dialogut.

Ai gjithashtu në këtë komunikatë ka theksuar: “Përderisa ekziston lidership i vërtetë nga ana e kryetarëve të partive parlamentare pengesat juridike dhe politike për dhënien e mandatit për formimin e Qeverisë së re mund të tejkalohen. Presidenti  Ivanov kërkoi nga SHBA-të si partner strategjik i Maqedonisë të ndihmojë që pengesat të tejkalohen dhe të mundësohet që shumica parlamentare të marrë mandatin”.

Presidenti Ivanov kërkoi nga lideri i LSDM-së që të mbajë fjalën e dhënë se bashkë me partnerët e koalicionit do të vijnë dhe do të japin garanci për forcimin e karakterit unitar të shtetit  dhe se gjithçka do të jetë në përputhje me Kushtetutën e Maqedonisë.

Ivanov ka thënë se Platforma e Tiranës nuk mund të jetë kusht e aq më pak për formimin e Qeverisë në Maqedoni. Në fund Ivanov i ka bërë thirrje qytetarëve të jenë të përmbajtur për shkak se ekzistojnë zgjidhje të cilat duhet të arrihen përmes dialogut dhe maturisë.

Të fundit