Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Topalli: Marrëveshja Rama-Basha konfirmohet nga heshtja e opozitës ndaj propozimit të PS për prag shtesë

Politiko 23 Shtator 2020, 11:09

Topalli: Marrëveshja Rama-Basha konfirmohet nga heshtja e opozitës

Ish-kryeparlamentarja Jozefina Topalli ka hedhur sërish akuza të forta ndaj dy kryetarëve të partive kryesore në vend, Edi Ramës dhe Lulzim Bashës se ata kanë një marrëveshje të fshehtë me njëri-tjetrin.

Në draftin e propozuar nga PS për ndryshimet kushtetuese ishte dhe amendamenti për rritjen e pragut minimal për ndarjen e mandateve duke e çuar në 3% të votave të vlefshme në rang kombëtar.

Sipas Topallit heshtja e opozitës ndaj propozimit të mazhorancës për prag shtesë, konfirmon marrëveshjen e fshehtë mes Ramës dhe Bashës për të ruajtur karriget e tyre. Përmes një statusi në rrjetet sociale, Topalli shprehet se sistemi me prag të dyfishtë është i mirë për tre kryetarët e partive, por i keq për parlamentin dhe demokracinë.

Reagimi i plotë:

Pse heshtin te gjithe per pragun elektoral?!!

- Pragu elektoral i dyfishte eshte perpjekje e shemtuar kundra vullnetit te qytetareve qe duan ndryshim.

- Heshtja e opozites ndaj propozimit te Rames per prag shtese , konfirmon marreveshtjet e fshehta me qellim ruajtjen e karrigeve te kryetareve.

Ndryshimi i sistemit elektiral nuk eshte gje e keqe ne vetvete.- ai mund te permiresohet- por eshte e demshme kur ndryshon vetem pak muaj para zgjedhjeve dhe kur ne permbajtje redukton mundesine e perfaqesimit te qytetareve qe kerkojne ndryshim.

Ne cdo sistem electoral pragu eshte kyç.

Eshte nje nder tre elementet qe konsiderohet faktor vendimtar ne kushtet elektorale, ndaj te cilit duhet treguar vemendje ne menyre qe te evitoje manipulimin ne favor te partive qe kane bere monopol jeten politike.

Sistemi me prag te dyfishte eshte i mire per tre kryetaret e partive,por eshte i keq per parlamentin dhe demokracine.

Llogarite politike te kryetareve e bene pragun axhende personale te tyre duke bere nje prapaktheu te rende .

Pragu electoral eshte nje ndër mekanizmat baze per perjashtimin e perfaqesimit ne parlament te votuesve qe jane kundra skenes se vjeter politike.

Ne kemi nje sistem elektoral rajonal i cili ka nje prag informal rajonal.

Vendosja me ligj e nje pragu te dyte elektoral kombetar eshte mbyllje hermetike e sistemit te vjeter te kryetareve;

Pragu i ri i propozuar nga PS ne dakordesi me Kryetarin e opozites permes heshtjes se turpshme eshte goditja me e madhe qe i behet demokracise shqiptare me ligj.

Ky rast bie ne kundeshtim me praktikat e mira te Komisionit te Venecias sikurse edhe me vendimet e Gjykates se Strasburgut,qe per nje ceshtje te tille ka vendosur ..” qe pragu elektoral nuk mund te ndryshohet ne nje vend pa Institucione te konsoliduara.. dmth pa Gjykate Kushtetuese”.

Te kesh sistem proporcional rajonal me pragun perkates si Spanja e t’ i shtosh nje prag tjeter nacional , dmth ta besh me dy pragje te con drejt modeleve te Lukashenkos, qe mbreteron prej 30 vitesh.

Pragu dyfish i propozuar eshte paradhoma e cimentimit te nje sistemi autokratik, kundra interesit te qytetareve dhe kundra ndryshimit te mundshem.

Heshtja e lulzim Bashes per propozimin e vendosjes se pragut te dyfishte nga Rama eshte konfirmim tjeter i lojes hileqare te tyre , sikurse eshte konfirmim i marreveshtjeve te fshehta ne kalkulim te politikave personale e karrigave te tyre dhe kundra interesit te qytetareve!