Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Tradhtia dhe folklorizmi patriotik

Politiko 6 Maj 2019, 13:05

Zef Zefi

1.Para më pak se pesë muajsh nga Samiti i Berlinit, Janar 2018, Nikos Kotcias deklaronte: “Sa për Zonën Ekonomike Ekskluzive mund ta shpallim. Kjo mbasi pala(shqiptare) ka pranuar se kemi të drejtë 12 milje..."(zgjerim grek në hapësirat shqiptare-shënimi im). Ish-ministri i Jashtëm grek, gjatë intervistës pohonte gjithashtu se 12 miljet e fituara, janë marrë pa kushte, qoftë për nështetësinë e grekut Janullatos, varrezat greke në territorin shqiptar, dhe sipas ish-ministrit fqinj, as nuk është diskutuar ndonjëherë çështja çame. Në pesë muaj, të gjitha këto kanë ndodhur, përjashtuar ratifikimin zyrtar të dorëzimit të territorit.

Vuçiç, Maj 2018, pas zhgënjimit nga Samitit i Berlinit, duke fajësuar, përveç sherbimeve sekrete ndërkombëtare, dhe opozitën e vendit të vet, akuzon këtë të fundit: “Përse keni protestuar dhe si është e mundur që nuk keni qenë në gjendje të shihni realitetin duke penguar që Serbia të fitojë diçka për popullin dhe vendin?”. Në vijim Presidenti serb ka theksuar se për Kosovën u organizua një dialog i brendshëm, që Serbia të fitonte atë diçka-në që e humbi në Samitin e Berlinit. Për më tej Kosovë-Metohia, sipas Presidentit serb, mund të marrë dhe pavarësinë, vetëm sepse opozita Serbe dëgjoi Presidentin.

“Ju e shihni se çfarë hipokrizie e përgjithshme ekziston. Thoni se nuk e keni dëgjuar se çfarë përmban ai propozim. Pajtohem që nuk keni dëgjuar, por përse atëherë e keni sulmuar? Më keni prerë kokën, në mënyrë metaforike, por nuk keni dëgjuar as çfarë është. Pse atëherë sulmuat dhe shkatërruat çdo gjë, pa dashur as të dëgjoni?”. Si ish-ministri i Jashtëm grek para Berlinit, ashtu Presidenti serb pas Samitit, njoftojnë popujt e tyre për përfitimet gjeografike në kurriz të tokave shqiptare, në marrëveshje me institucionet kushtetuese të Shqipërisë dhe Kosovës.

2.Është e qartë që Samiti nuk u mblodh për të mbrojtur trojet tona, sepse patriotët denoncuan e kundërshtuan planin serb, ashtu siç është po aq e qartë se, as për të diskredituar planet e tregtarëve tanë "apolidë". Por ndodhi sepse interesat e geëra gjeo-rajonale e politike nuk përkonin me planin anti-shqiptar të Serbisë e dy rekrutëve shqiptarë në krye të institucioneve të rëndësishme të vendit. Eventi thjesht qëlloi të vendoste të drejtën në favor të shpëtimit të tokave shqiptare. Kjo nuk lë hapësirë as për kreshpërime folklorike shpëtimtarësh, sepse të luftosh për të mbrojtur vendin e trojet tuaja ke bërë vetëm minimumin e një qytetari a politikani të përgjegjshëm.

Nga ana tjetër, sipas gjykimit tim, as nuk ka pse të bëhen linçime e demonizime ekstreme ndaj të dekonspiruarve funksionarë të planeve anti-shqiptare, sepse vetëm në historinë e vonë kemi plot fakte të tilla drithëruese. Ajo që shqetëson rëndë shqiptarët janë dy fakte bërtitëse:

Së pari, sensibiliteti dhe përgjegjësia atdhetare është atrofizuar, deri atje sa deklarata e Vuçiçit ose nuk u pasqyrua nga mediat, ose ishte skajuar nën hije cicash të silikonuara, ndërkohë që duhej të ishte kryetitull shkundës.

Së dyti, ndërsa folklori e ka kryer detyrën e vet më së miri, të zbresim te realpolitika e të punojmë shumë me përgjegjësinë atdhetare, sidomos kur duhet të përzgjedhim për institucionet tona përfaqësuese. Përndryshe fëmijët a nipërit tanë do të jenë nomadët e rinj të globit.