Transport klandestinësh nga Lindja e Mesme, arrestohen në flagrancë dy persona në Shkodër

Policia e Shkodrës, në kuadër të operacionit “Golemi” ka vënë në pranga dy persona me akuzën e transportit të klandestinëve nga vendet e Lindjes së Mesme.

Ata u kapën në flagrancë në aksin rrugor Shkodër-Koplik, në fshatin Golem, duke transportuar katër marokenë, të cilët si destinacion kishin  Malin e Zi, e më pas vendet e BE-së.

Të arrestuarit janë shtetasit, Gentian Ndrecaj  dhe Vera Ymeraj.

“Nga veprimet e para hetimore rezulton se këta shtetas, në bashkëpunim me njëri-tjetrin siguronin shtetas të vendeve të treta, i strehonin në banesa të ndryshme e më pas i transportonin për në Mal të Zi, kundrejt pagesës”-njofton policia.