Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Transporti publik, në cilat qytete rinis aktiviteti; Pse Tirana refuzon pas hapjes së ‘dritës jeshile’

Politiko 24 Qershor 2020, 08:23

Transporti publik, në cilat qytete rinis aktiviteti; Pse Tirana refuzon pas

Sot transporti publik ndërqytetës ka rinisur aktivitetin pas tri muajsh pezullimi për shkak të pandemisë covid-19, që përfshiu edhe Shqipërinë.

Ndonëse rastet kanë patur një trend në rritje gjatë javëve të fundit në vend, dje përfundoi zyrtarisht gjendja e fatkeqësisë natyrore, por masat do të vijojnë të jenë në fuqi, njoftoi ministrja e Shëndetësisë, Ogerta Manastirliu.

Ajo, po ashtu, njoftoi se nga dje u hoqën kufizimet për transportin publik, duke bërë që nga sot disa linja të rinisin aktivitetet e tyre të punës, konfrom protokolleve anticovid.

Kështu, transporti publik rinis punën nga Shkodra, Fieri, Korça dhe Vlora në drejtim të Tiranës, por edhe anasjelltas.

Nga ana tjetër, Shoqata e Transportit në Tiranë ka refuzuar të nisë punën pa u plotësuar më parë kushtet e vendosur prej tyre.

Ata janë shprehur të gatshëm se do të nisin punën, vetëm nëse ndryshon protokolli i sigurisë, pasi do punohet me kapacitet të përgjysmuar për shkak të kushteve të pandemisë.

"Bazuar në fjalimin e fundit të Ministres së Shëndetësisë dhe Mbrojtjes Sociale po Ju bëjmë me dije se Unioni i Operatoreve të Transportit Publik nuk mundet të rifilloi shërbimin për sa kohë nuk është plotësuar asnjë nga pikat e kërkuara.

Përgënjështrojmë Ministren e Shëndetsisë, e cila tha: “Hiqen kufizimet për transportin publik”.

Për sa kohë është në fuqi Urdhri i Ministres së Energjisë dhe Infrastrukturës Nr.169 dt.5/6/2020 operatorët e transportit publik nuk e kanë të mundur të përballojnë kostot e respektimit të këtij protokolli, si finaciare ashtu edhe ligjore", reagoi dje Unioni i Operatoreve të Transportit Publik.

Ndërkohë, ministrja e Infrastrukturës dhe Energjisë, Balluku premtoi se do të ketë një paketë shtesë financiare që do u vijë në ndihmë transportit publik pas goditjes nga pandemia.

Disa nga protokollet e sigurisë për transportin publik:

Numri i udhëtarëve do të jetë 70% e kapacitetit të automjetit.

Ulja e udhëtarëve do të jetë në mënyrë diagonale, me përjashtim të personave të së njëjtës familje, vërtetuar me dokument identifikimi.

Drejtuesi i mjetit dhe udhëtarët duhet të jenë të pajisur me maska mbrojtëse dhe doreza.

Hipja dhe zbritja e udhëtarëve bëhet nga dyer të ndryshme.

Nëse dikush ka simptoma covid-19, lajmërohet Urgjenca Kombëtare dhe nuk zbritet në stacionin më të afërt.

Mjetet dhe bagazhet duhen dezinfektuar në 60% të hapësirës së përdorur nga udhëtarët. Shoqëritë dhe terminalet duhet të kenë dezinfektantë me bazë alkooli.

Dritaret qëndrojnë hapur përgjatë gjithë kohës së udhëtimit.

Duhet të respektohet distancimi social.

Në automjete do të ketë postera sensibilizues për masat e sigurisë.

Lexo edhe:https://politiko.al/punonjesit-e-transportit-urban-vijojne-protesten-perballe-mie-per-plotesimin-e-kushteve-shperndahen-disa-here-nga-policia-ka-te-shoqeruar/

Lexo edhe: https://politiko.al/400-mije-lekeshi-per-tu-tallur-punonjesit-e-transportit-publik-vijojne-protesten-jemi-mbytur-ne-borxhe-te-shkojme-te-vjedhim-kjo-na-mbeti/