Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Trump i dërgon Senatit 7 emra ambasadorësh; Shqipëria pret radhën
Presidenti Amerikan Donald Trump i ka dërguar Senatit 7 emra ambasadorësh, ndër to dhe emrin e Donald Lu, i cili do të largohet në korrik të këtij viti nga Shqipëria.
Burime nga Washington bënë me dije për Politiko.al ditën e sotme se Shtëpia e Bardhë ka dërguar emrin e Donald Lu për miratim në Senat si ambasador i SHBA në Kirgiztan.
Por edhe në faqen zyrtare të Shtëpisë së Bardhë janë publikuar emrat e 7 ambasadorëve, dërguar Senatit.
NOMINIMET E DËRGUARA NË SENAT:
Christopher Fall, Virginia, pritet të emërohet Drejtor i Zyrës së Shkencave, Departamenti i Energjisë.
Ronald Gidwitz, i Illinois, pritet të emërohet Ambasador i Jashtëzakonshëm dhe Fuqiplotë i Shteteve të Bashkuara të Amerikës në Mbretërinë e Belgjikës.
Donald Lu, nga Kalifornia, Anëtar i Karrierës së Shërbimit të Lartë të Jashtëm, pritet të emërohet Ambasador i Jashtëzakonshëm dhe Fuqiplotë i Shteteve të Bashkuara të Amerikës në Republikën e Kirgistanit.
Ronald Mortensen, nga Utah, pritet të marrë postin e Ndihmës Sekretarit të Shteti.
Denise Natali, nga New Jersey, pritet të marrë postin e Ndihmës Sekretares së Shtetit, zëvendëson David Malcolm Robinson, i cili dha dorëheqjen.
Alaina B. Teplitz, nga Kolorado, një anëtare e Karrierës se Shërbimit të Jashtëm, pritet të marrë postin e Ambasadorit të Jashtëzakonshëm dhe Fuqiplotë të Shteteve të Bashkuara të Amerikës në Republikën Socialiste Demokratike të Sri Lankës dhe për të shërbyer njëkohësisht dhe si Ambasador i Jashtëzakonshëm dhe Fuqiplotë i Shteteve të Bashkuara të Amerikës në Republikën e Maldivit.
Christine J. Toretti, nga Pensilvania, do të jetë Ambasador i Jashtëzakonshëm dhe Fuqiplotë i Shteteve të Bashkuara të Amerikës në Republikën e Maltës. /Politiko.al/