Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Trump telefonon Merkelin për Kosovën; kancelarja reziston: Të ruhet integriteti territorial

Politiko 28 Gusht 2018, 16:25
Trump telefonon Merkelin për Kosovën; kancelarja reziston: Të

Presidenti amerikan, Donald Trump dhe kancelarja gjermane, Angela Merkel, kanë zhvilluar sot një bisedë telefonike ku në fokus të diskutimit ka qenë situata në Ballkanin Perëndimor.

Merkel ka dhënë më shumë informacione mbi atë se çfarë është diskutuar në telefonatën me Trump, gjatë konferencës së përbashkët për shtyp që zhvilloi me homologun kroat, Andrej Plenković.

Kancelarja e Gjermanisë nuk ka lëvizur nga qëndrimi i saj parë duke theksuar se kërkon ruajtjen e integritetit territorial të Kosovës, duke hedhur sërish poshtë propozimin për ndryshim kufijsh.

“Ne kemi shkëmbyer mendime mbi situatën Kosovë-Serbi. Ne, sigurisht, mbështesim të gjitha bisedimet që të çojnë në realizimin e qëllimeve, por në të njëjtën kohë ne duhet të theksojmë se integriteti territorial, siç është sot, është një vlerë e rëndësishme”, deklaroi Merkel.

Të njëjtin qëndrim ka mbajtur edhe kryeministri i Kroacisë, i cili tha se vendi i tij mbështet integritetin territorial dhe paralajmëroi kundër çdo ndryshimi të kufijve sepse kjo mund të hapë ‘kutinë e Pandorës’ në Ballkan.

Uashingtoni ka mbajtur një qëndrim të hapur ndaj mundësisë për ndryshim të kufijve midis Kosovës dhe Serbisë. Edhe Bashkimi Evropian u shpreh se këto dy shtete duhet të kenë hapësirë sa i përket arritjes së një marrëveshjeje.

Të fundit