Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

U martua për letra, shqiptari komunikonte me “google translate” me nusen

Politiko 5 Qershor 2017, 21:20
U martua për letra, shqiptari komunikonte me “google translate”

Martesa e shqiptarit me zviceranen kishte qenë fiktive, këtë kanë konstatuar autoritetet e Soloturnit. Këtë e ka konfirmuar edhe Gjykata Federale dhe për këtë arsye shqiptari nga Kosova do të dëbohet nga Zvicra.

Shqiptari nga Kosova sot 31 vjeçar kishte ardhur dy herë ilegalisht në Zvicër dhe të dy herët ishte përzënë për në Kosovë. Herën e tretë ai e mendoi një zgjidhje më të qëndrueshme: më 6 mars 2015 u martua me një zvicerane, tetë vite më të re se vet, shkruan luzernerzeitung.ch.

Me këtë lidhje martese ai siguroi qëndrimin në Zvicër, fillimisht deri më 31 tetor 2016. Por, autoritetet shpejt arritën të grumbullonin të dhëna se martesa mes të dyve ishte fiktive.

Në prill të vitit 2016 ato ia prishën shqiptarit nga Kosova lejen e qëndrimit. Dy të martuarit “për letra” kishin deklaruar se ishin njohur që në vitin 2012 përmes komunikimit me internet.

Ajo nuk dinte shqip e ai mund të fliste vetëm në një gjermanishte të çalë. Së këndejmi, zyrtarët e kanë konsideruar barrierën e tyre gjuhësore si një argument për akuzën e martesës fiktive.

Pas ankesës që çifti ka bërë në Gjykatën Federale u është dhënë të drejtë konstatimeve të autoriteteve, përcjell albinfo.ch. Të martuarit, të dytë pa ndonjë arsimim, thonë se kanë komunikuar përmes përkthimit me “google”. Ndërsa sipas Gjykatës Federale përdorimi i mjeteve të tilla të përkthimit e bën të panatyrshëm komunikimin.

Dhe si dëshmi se komunikimi mes tyre ka qenë i mangët tregon fakti se ata nuk e dinin ditëlindjen e njëri tjetrit e aq më pak emrat e vjehrrit/vjehrrës së njëri tjetrit dhe emrat ose numrin e vëllezërve dhe motrave. Po ashtu edhe fakti se “nusja” kishte një partner tjetër shkon në dëm të çiftit.

Për më tepër, ajo ishte duke marrë ndihma sociale dhe para zyrës sociale e kishte fshehur martesën, përcjell albinfo.ch. Me këtë, ajo duhet të përgjigjet edhe për mashtrim, shkelje të ligjit për ndihma sociale dhe të detyrimit për informim

Të fundit