U vra dhe u hodh në Rrugën e Kombit, vetëdorëzohet në polici miku që e nxori në pritë te gjakësi

Është vetëdorëzuar në polici Mikel (Gjovalin) Alia (mik i viktimës), i riu që u shpall në kërkim për vrasje në bashkëpunim të Eri Zefit.

Ngjarja ndodhi më 2 tetor, ku viktima pasi u vra u hodh në një kanal pranë Rrugës së Kombit. Alia dyshohet se e nxori në pritë Zefin te gjakësi, për një vrasje që vëllai i tij kishte kryer në Durrës disa vite më parë.

Sipas policisë janë përdorur metodat speciale të hetimit për të bërë të mundur kapjen e autorit.

Njëkohësisht Grupi i posaçëm hetimor negocioi me familjarët e autorit të dyshuar që ti dorëzohej organeve të drejtësisë.