Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vala e dytë e COVID-19 ka mbërritur në Gjermani, paralajmëron sindikata e doktorëve

Politiko 4 Gusht 2020, 22:26
Vala e dytë e COVID-19 ka mbërritur në Gjermani,

Shqetësimet e Europës për një rikthim të coronavirus janë shtuar edhe më shumë pas një paralajmërimi se Gjermani ka hyrë tashmë në valën e dytë të virusit, teksa Franca përgatitet për kohë  të vështira në të ardhmen.

Kryetarja e sindikatës së doktorëve në Gjermani, Susanne Johna, that për gazetën lokale “Augsburger Allgemeine” se beson se vendi po kalon “një valë të dytë dhe rritje të thellë” të rasteve me COVID-19.

Në një intervistë të publikuar gjatë së martës, Johna ritheksoi rëndësinë e respektimit të distancimit social si një histori suksesi e Gjermanisë në momentet e para të virusit, por paralajmëroi se “dëshira për t’u rikthyer drejt normalitetit” mund ta vejë në rrezik arritjet.

“Distanca, higjiena dhe mbajtja e maskës janë ende disa prej masave të domosdoshme për të mbajtur një nivel të ulët rastesh”, thotë ajo.

Komentet e kryetares së sindikatës vijnë pas një rritje të qëndrueshme të rasteve të reja që janë raportuar së fundmi në Gjermani si dhe e viktimave duke e çuar numrin total të fataliteteve në 9,156.

Numri i viktimave në Gjermani mbetet shumë më i ulët në krahasim me vendet e tjera në Europë dhe kjo falë masave të shpejta gjatë fillimit të pandemisë si dhe testimeve masive./ Euronews

Të fundit