Vannesa Hudgens e pandjeshme mbi situatën e koronavirusit,  të thjeshtë e të famshëm i kundërvihen

Të shumtë janë persona të famshëm, të thjesht, influence e kushdo që mundet (për të mos thënë të gjithë) po ndërgjegjësojnë mbi situatën e koronavirusit në të cilën ndodhet gjithë bota.

Nga ana tjetër kemi Vanessa Hudgens që ka bërë një deklaratë që nuk është pritur aspak mirë. Në një Instagram live me 16 mars, ajo tha se masat e marra për të mbajtur nën kontroll pandeminë mund të zbatohen deri në korrik:

“Deri në korrik është një budallallëk i madh. Më vjen keq, por është një virus, e kuptoj. E respektoj. Në të njëjtën kohë, nëse infektohemi të gjithë, njerëz do vdesin. Që është e tmerrshme, po s’ke ç’i bën? Nuk e di. Ndoshta s’duhet të flas për këtë.”

Por kjo nuk është pritur aspak mirë nga fansat e saj dhe as nga njerëz të njohur, të famshëm ose jo, nga e gjithë bota, të cilët e kanë quajtur të papërgjegjshme deklaratën dhe  kanë bërë thirrje aktores që të mos shprehet kështu për një situatë kaq serioze në gjithë botën.

Më pas, si duket Vannesa ka reflektuar dhe dha një tjetër deklaratë të nesërmen, me 17 mars, ku tha:

“Jam mbyllur në shtëpi dhe shpresoj që edhe ju të bëni të njëjtën gjë. Qëndroni në shtëpi dhe kujdesuni për veten. Nuk bëhet shaka me këtë situatë. Jam në shtëpi. Qëndroni brenda.”

Në Twitter bëri dhe një ndjesë publike, ku shkroi:

“Të pandjeshme dhe aspak të përshtatshme për situatën ku ndodhet bota dhe vendi në këto moment, kritikat më hapën sytë mbi domethënien që kanë gjërat që them.”