Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vazhdon mallkimi për Milanin, Interi ringjallet në derbi

Politiko 17 Mars 2019, 22:48
Vazhdon mallkimi për Milanin, Interi ringjallet në derbi

Është mbyllur me rezultatin 3:2 në favor të Interit derbi i  Madoninës që u zhvillua në San Siro.

Zikaltrit kaluan në avantazh që në minutën e 3-të, teksa Perisiç kroson në zonë për Lauraro Martinez, i cili e ul mjaft mirë topin për Vecinon. Mesfushori me portën e boshatisur e shtyn “sferën” në rrjetë.

Në fraksionin e dytë, ekipi i Spallettit shënoi golin e dytë. Politano kroson në zonë për De Vrij, i cili me një goditje të bukur me kokë bën të pavlefshëm zgjatjen e portierit Donnarumma. Regiami i Milanit ishte i menjëhershëm, pasi në minutën e 57-të, Bakayoko i kundërpërgjigjet menjëherë me një super gol, po me kokë, duke mos i dhënë mundësi reagimi portierit Handanoviçit.

Sfida bëhet spektakolare, me të dyja skuadrat që luftojnë shumë, por zikaltrit janë më konkret. Politano në minutën e 67-të u pengua në momentin që po dilte nga zona nga Castillejo. Gjyqtari humbi kontrollin, duke u rrëzuar edhe ai disa metra larg futbollistit të Interit, por kjo nuk e pengoi që të vërshëllente 11-metërsh. Nga pika e bardhë Lautaro Martinez shënoi golin e tretë.

Reagimi i Milanit ishte i menjëhershëm, vetëm pas dy minutash, me Musacchion, i cili përfitoi nga një përgjumje e mbrojtjes së zikaltërve për ta shtyrë topin në rrjetë. 3 minuta nga fundi i kohës së rregullt Conti ndëshkohet me karton të kuq pas një ndërhyrje shumë të ashpër ndaj Lautero Martinez, por u anulua pasi arbitri rishikoi pamjet në VAR. Milani tentoi deri në fund që të barazonte, por nuk do të arrinte.

Me këtë fitore, Interi rimerr vendin e tretë në renditje, me 53 pikë, dy më shumë se kuqezinjtë.

Formacionet:

Milani: Donaruma, Kalabria, Muzakio, Romanjoli, Rodriguez (Kutrone 58′),  Bakajoko, Paketa (Kastijeho 46′), Kesi, Suso, Çalhanoglu, Piontek. Trajner: Xh.Gatuzo

Interi: Handanoviç, Dambrosio, De Vraj, Shkrinjar, Asamoah, Vesino, Brozoviç (Valero 73′), Galjardini, Politano (Kandreva 83′), Perisiç, Martinez. Trajner: L. Spaleti.

 

Të fundit