Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vdekja e turistes ruse në Ksamil, gazetari kërkon arrestimin e drejtuesve të policisë

Politiko 22 Korrik 2017, 12:24
Vdekja e turistes ruse në Ksamil, gazetari kërkon arrestimin e

Gazetari Mentor Kikia shprehet se ka dyshime për manipulim të shkaqeve të vdekjes së turistes ruse në Ksamil. Kikia shkruan se ngjarja po tentohet të konsiderohet si aksident në shkëmb dhe kjo do ishte më e rëndë se vrasja.

Gazetari thekson se janë drejtuesit e policisë ata që duhet të arrestohen menjëherë nëse vërtetohet se vdekja ka ardhur si pasojë e goditjes nga motorri i ujit. Ai shprehet se çdo vit në Shqipëri përsëritet e njëjta situatë dhe askush nuk merr masa.

Reagimi i Mentor Kikisë:

Kush e vrau adoleshenten ruse në Ksamil?

Organet hetimore, prokuroria dhe policia, kanë një detyrë urgjente: Të sqarojnë rrethanat e humbjes së jetës së një vajze të re që, kishte ardhur nga Shën Petërburgu për të pushuar në Ksamil. Dëshmitë e para flasin se adoleshenjta është goditur nga një motor uji. Ka dyshimë se se ngjarja mund të fshihet, pra të konsiderohet si aksident në shkëmb. Sot lexova se hetimi ka ngecur për shkak të një defekti në laboratorin e mjeksisë ligjore. Nëse është kështu, pra që mund të manipulohet, kjo është një vrasje më e rëndë se vetë vrasja. Por nëse vërtetohet se vajza është vrarë nga një motor uji, atëherë policia nuk ka pse kërkon fare motorristin që është zhdukur pasi ka ndodhur ngjarja. Në burg duhet të shkojnë drejtuesit e policisë. Po po, drejtuesit e policisë. Cdo vit është e njëjta histori. Cdo vit motorrat u hapin kokën njerëzve ndërsa lahen. Ka ndodhur në Durrës, në Vlorë, në Himarë, në Sarandë… Sepse aventurierët, qeflinjtë dhe pasanikët e rinj duan të kapardisen mes njerëzve me motora e skafe të bukur. Dhe cdo vit bëhen nga qeveria apo ministria e brendshme deklarata që motorrat të mos lejohen të futen në zonat ku lahen njerëzit. Dhe cdo vit thuhet se do të vendosen zonat e sigurisë. Dhe cdo vit kërcënohet e paralajmërohet. Dhe asnjëherë nuk bëhet asgjë. A nuk ishte një biznesmen qe vjet vrau po një turist rus në Himarë me skafin e tij? Përse dreqin është kaq e vështirë të funksionojë një rregull në këtë vend? Nëse bllokohet qoftë edhe një motor uji apo gomone që lundron mes njerëzve, jam i sigurt se askush nuk do të guxojë të futet më. Por kjo nuk ndodh.

Nëse Ksenia Roik nga Shën Peterburgu, është vrarë nga motorri i ujit, atëherë merreni dhe bëjeni spot e transmetojeni në CNN dhe BBC, që të vijnë më shumë turistë vitin tjetër.

Të fundit