Flash News
E rëndë në Krujë/ 42 vjeçarja futi në qese dhe hodhi në lumë foshnjën e porsalindur në shtëpi
Presidenti Begaj dekreton ligjin për zonat e mbrojtura
Mbytet në ujin e shatërvanit një i mitur afgan në Shëngjin
“Minuan sundimin e ligjit”, DASH shpall ‘non grata’ tre zyrtarë të lartë në Ballkan
Akuzohet për 4 vepra penale/ SPAK nis hetimet ndaj drejtorit të Tatimeve, Ceno Klosi
Alfred Lela
Edhe Rruga e Elbasanit u përfshinë në theksimin (theksi më shumë se gjithçka flet për mungesat) e faktit se Klement Balili u ndalua nga policia, strukturat partnere etj. Si për t’i ardhur në hatër Kryeministrit dhe ministrit të Brendshëm të cilët i mëshuan këtij varianti përballë një më të hershmi, për të mos thënë të parit fare, që u bë publik nga ish-Kryeministri Sali Berisha në Facebook.
Me sa duket, u desh njëfarë kohe që të kuptohej se Balili ishte një ‘peshk i madh’ rënia në rrjetë e të cilit bëhej më spektakolare nëse ishte ‘arrestim’, apo qoftë ‘ndalim’, dhe jo ‘vetëdorëzim’. Kështu, pas drojës së parë, deklaratat zyrtare dhe postimet e zyrtarëve e shndërruan në ‘arrestim’ atë që në fillim dyzohej edhe si ‘dorëzim’.
Në fakt, nuk ka rëndësi dhe aq, në kushte normale, nëse ‘i kërkuari i madh’ u dorëzua apo u arrestua, por konteksti shqiptar, si dhe gjithë historia e lidhur me Klement Balilin e bën sui generis dhe të interpretueshme paqen me të cilin ai u fut në duart e Policisë.
Dy janë dyshimet që mund të lexohen te ky tranzicion i butë i stausit të njeriut më të kërkuar në Shqipëri, nga arratia në qeli.
Dorëzimi apo ndalimi i tij dëshmojnë se ka patur kalkulim dhe se në rastin më logjik kjo përllogaritje të çon tek ato që mund të quhen ‘kushte të përshtatshme të dorëzimit’. Të dyshuarit për krime apo kriminelët (gjykata nuk e ka thënë ende fjalën, kështuqë Balilit, si çdokujt, i takon pafajësia e prezumuar) dorëzohen kur kanë bërë një pakt me strukturat shtetërore, ose kur e shohin se nuk kanë më anjë shteg për të vazhduar në arrati.
Kjo e fundit është e dyshimtë nëse marrim si të mirëqenë rrëfimin e Balilit, i cili i ka thënë gazetarit Artan Hoxha se ka jetuar në Tiranë, Durrës etj. Kjo tregon se ka patur një lirshmëri lëvizjeje në territorin shqiptar dhe, se me sa duket, nuk e ka tentuar largimin nga Shqipëria.
Çuditërisht, territori shqiptar, ku ai sipas intensitetit retorik të Policisë kërkohej me ngulm ishte më i sigurti për të.
Nëse Balili e meriton emrin e pagëzimit si ‘Eskobari i Ballkanit’, kapacitet financiare dhe lidhjet ‘e errëta’ do t’i kishin lejuar një identitet të ndryshuar, bashkë me një pasaportë dhe një arrati në një vend tjetër të Europës apo botës.
Fakti që ka zgjedhur të qëndrojë këtu tregon se këtu ka qenë basti më i sigurt i tij.
Një logjikë e tillë të çon më shumë te vetëdorëzimi se sa te arrestimi.
Nëse deri këtu bëmë hamendësime logjike, kemi në dorë edhe gurin e rëndë të një fakti. Pikërisht takimi, apo intervista, i gazetarit Artan Hoxha me të. E cili më shumë se intervistë duket negociatë në fakt.
Hoxha ka folur shpesh dhe me siguri për dromca informacionesh rreth Balilit dhe, me sa duket, është ai personi kyç në ndalimin apo vetëdorëzimin e tij. Megjithëse publikisht ia njeh meritat Drejtorit të Përgjithshëm të Policisë, privatisht me siguri, është duke nënqeshur me gjithë këtë teatër.
Ky është favori i dytë i madh i që Artan Hoxha i bën Ramës dhe të tijve, pas të parit, që lidhet me filmimet e 21 janarit që e ndryshuan krejtësisht rrjedhën e ligjërimit në lidhje me përplasjen tragjike të demonstrueeve ‘me një axhendë’ të opozitës së atëhershme dhe strukturave të sigurisë.
Edhe sot Rama dhe Lleshaj kanë marrë një bonus nga Artan Hoxha.
Karvani mund të shkojë përpara, por i çuditshëm është ai vend ku ‘arrestimet’ i bën një gazetar.