Vendimi i shteteve të BE-së, merr fund tortura për emigrantët e bllokuar në Mesdhe

Pesë shtete të Bashkimit Evropian kanë vendosur që të pranojnë dhjetëra emigrantë të bllokuar prej javësh në një anije shpëtimi të tejmbushur, duke i dhënë fund vuajtjeve të tyre.

Italia refuzonte që të linte të zbrisnin në territorin saj emigrantët, të cilët u detyruan që të qëndronin në Mesdhe. Kjo solli shumë mosmarrëveshje mes shteteve evropiane, nisur nga kushtet e vështira që emigrantët po kalonin.

Rreth 140 emigrantë, kryesisht afrikanë, të shpëtuar në Mesdhe që nga fillimi i gushtit përmes operacionit Krahët e Hapura, qenë detyruar të qëndronin në një anije të regjistruar në Spanjë.

Emigrantët më në fund u zhvendosën në ishullin sicilian të Lampeduzës të martën mbrëma pas urdhrit të një prokurori italian që anija të konfiskohej dhe të evakuohej. Disa nga emigrantët u përpoqën të notonin drejt bregut.

Situata solli mjaft debate dhe pas diskutimeve, Spanja, Franca, Gjermania, Luksemburgu dhe Portugalia kanë rënë dakord t’i pranojnë të gjithë, tha një zëdhënëse e Komisionit Evropian në Bruksel.