Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vendimi në PD, mbledhje e parakohshme e Kuvendit Kombëtar; mund të diskutohet një listë e re me kandidatë për Këshillin

Politiko 8 Mars 2018, 11:25
Vendimi në PD, mbledhje e parakohshme e Kuvendit Kombëtar; mund

Partia Demokratike pritet të mbledhë sot kryesinë, pas përfundimit të analizës në të gjitha degët. Burime zyrtare nga PD-ja njoftuan për “Mapo”, se gjatë kësaj mbledhje do të diskutohet edhe për një datë të mundshme për mbledhjen e Kuvendit Kombëtar.

Kryetari i PD-së, Lulzim Basha tha dy ditë më parë se Kuvendi Kombëtar do të mblidhet në pranverë, nga ku do të nisë edhe riorganizimi i partisë. Nuk dihet në fakt nëse ky do të konsiderohet një kuvend kombëtar jashtë radhe zgjedhor apo diçka më shumë. Ajo që dihet është se në rend dite të këtij Kuvendi do të jetë miratimi i një pakete ndryshimesh të statutit dhe me gjasë zgjedhja e një Këshilli të ri Kombëtar.

Burime nga PD-ja thanë mbrëmë për gazetën “Mapo” se Kuvendi Kombëtar i afërt me gjasë do të diskutojë për një listë të re të Këshillit Kombëtar, që do të thotë se mandati i atyre aktual do të mbarojë gjashtë muaj më herët.

Në bazë të statutit të PD-së, Kuvendi Kombëtar zgjedh me votim të fshehtë Këshillin Kombëtar nga një listë ku numri i kandidatëve të mos jetë më pak se 1.5 herë më i madh se numri i vendeve që do të shpallen fitues sipas modaliteteve të përcaktuara nga Kryesia e Partisë.

Në të njëjtën kohë, Kuvendi Kombëtar pritet të kalojë edhe një paketë ndryshimet statusore. Së fundmi, një tillë ka propozuar Arben Imami me një grup anëtarësh të kryesisë së PD-së. Ndërsa Astrit Patozi, në anën tjetër, ka propozuar prej vitit që kaloi një paketë propozimesh në kuadër të analizës brenda strukturave të PD-së.

Dy ditë më parë, kryetari i PD-së, Lulzim Basha ftoi çdo kënd që ka propozime t’i paraqesë ato në Kuvend.

Të fundit