Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vendimi për 20 emigrantët, Lubonja: Kur prek të prapmet, kryeministrit i dalin gjithnjë të thata

Politiko 27 Gusht 2018, 08:55
Vendimi për 20 emigrantët, Lubonja: Kur prek të prapmet,

Analisti Fatos Lubonja ka komentuar vendimin e qeverisë shqiptare për të pranuar 20 emigrantë nga Eritrea të cilët u bllokuan në anijen ‘Diciotti’ në ujërat mes Italisë dhe Shqipërisë.

Sipas Lubonjës, në një analizë për ‘Panorama’, Rama vazhdon të aplikojë parimin “ Nëse do të sundosh shqiptarët, manipulo ndërkombëtarët”.

“Edi Rama vazhdon të aplikojë parimin nëse do të sundosh shqiptarët, manipulo ndërkombëtarët të cilin e ka çuar në shkallën më të lartë të suksesit.

Ai vazhdon të mendojë se kompleksi i inferioritetit të provincialit, kombinuar me mungesën e besimit në institucionet dhe elitën e vendit i bën shqiptarët të përulen përpara vlerësimit të të huajve, i bën kundërshtarët të mbyllin gojën dhe dyshuesit të anojnë nga zgjedhja ndërkombëtare.

Kështu, ai mendon se ky akt do të ushqejë imazhin për të cilin ka kohë që punon në Itali, Shqipëria është kthyer në një vend pritës emigracioni.

Imazhi i rremë i Shqipërisë që ka ndryshuar mund ta ndihmojë në hapjen e negociatave dhe gjithë ky vlerësim do t’i mbulojë alarmet e vërteta të vendit, të cilat manipulatori jo nuk mund, por nuk do t’i zgjidhë, pasi zgjidhja e tyre kërkon largimin e tij dhe të njerëzve të krimit rreth tij nga pushteti.

A do të ketë sukses manipulimi me këta gjynahqarë, që në vend se në Perëndim, do ta shohin veten në një nga vendet me numrin më të madh të azilkërkuesve në vendet Perëndimore, më raciste ndaj të zinjve dhe krejt jashtë standardit evropian.

Dyshoj se ‘rrogoci’ i Ramës ‘manipulo shqiptarët për të sunduar shqiptarët’ po fut shumë ujë. Megjithatë, kur prek të prapmet, kryeministrit i dalin gjithnjë të thata. Kështu i thonë edhe ata që ka përreth, që edhe pse i shohin njollat e ujit gjithandej, nxitojnë t’ja thajnë sepse interesi i tyre është i lidhur ngushtë me mbajtjen e kësaj gënjeshtre”, shkruan ndër të tjera Lubonja.

Të fundit