Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vendimi i qeverisë, sa do shpërblehen pensionistët këtë fundvit

Politiko 8 Dhjetor 2017, 08:25
Vendimi i qeverisë, sa do shpërblehen pensionistët këtë

Pensionistët në të gjithë vendin do të përfitojnë shpërblim për festat e fundvitit, ashtu siç ndodh çdo vit.

 Ministri i Financave, Arben Ahmetaj, dje në prezantimin e Aktit Normativ të buxhetit 2017 në Komisionin e Ekonomisë, tha se fondi për shpërblimet do të jetë 18 milionë dollarë. Brenda këtij muaji, qeveria do të mbyllë 100 për qind edhe dëmshpërblimet e këstit të 8-të për ishtë përndjekurit që janë gjallë. Ministri Ahmetaj tha se fondi për këtë kategori do të jetë 352 milionë lekë. Ndryshimet e buxhetit 2017 u miratuan nga Komisioni i Ekonomisë. Opozita votoi kundër, pasi, sipas nënkryetares së komisionit, Jorida Tabaku, Akti Normativ nuk sjell asgjë të re për ekonominë, biznesin e punësimin, dhe ndryshimet janë për propagandë.

Qeveria do të shpenzojë 18 milionë dollarë për shpërblimet e pensionistëve. Burime nga qeveria për gazetën “Panorama”, konfirmuan se pensionistët do të përfitojnë 3 mijë lekë shpërblim. Vendimi i posaçëm për shpërblimet do të miratohet në mbledhjen e ardhshme të qeverisë, ku pritet që përfitues të jenë edhe familjet me ndihmë ekonomike. “Rriten me 1.8 miliardë lekë kontributet nga sigurimet shoqërore dhe shëndetësore, si rrjedhojë e performancës së lartë në mbledhjen e tyre gjatë periudhës janar-shtator 2017.Kjo rritje shkon tërësisht për bonusin e pensionistëve me një efekt neutral për deficitin”, shpjegoi ministri i Financave. Brenda muajit dhjetor, qeveria do të mbyllë edhe dëmshpërblimin e këstit të 8-të për kategorinë parësore të ish-të përndjekurve. Ministri i Financave, Ahmetaj, shpjegoi se fondi prej 352 milionë lekësh shlyen 100 për qind këstin e 8-të të kategorisë parësore, shkruan panorama. 

“Me Aktin Normativ ne marrim përsipër të shlyejmë këstin e 8-të, që është përfundimtar, për kategoritë përfituese të ish-të përndjekurve të gjallë, ta shlyejmë brenda 31 dhjetorit 2017. Dhe në vitin tjetër do të fillojmë të mendojmë në mënyrë të strukturuar se çfarë do të bëjmë me përfituesit trashëgimtarë”, deklaroi Ahmetaj.

Të fundit