“Vetëm oligarkët e Edi Ramës gëzojnë në këtë krizë, jo ata që jetojnë me qiratë”

Nënkryetari i Partisë Demokratike Edi Paloka shprehet se “të vetmit që përfitojnë në situatën e krizës” janë oligarkët e Ramës. Sipas tij, Qeveria ka planifikuar që t`u japë oligarkëve 120 milion euro, ndërsa shprehet se këta janë të babzitur, dhe jo pronarët që mbijetojnë me të ardhurat nga qiraja.

“Të vetmit që gëzojnë në këtë krizë dhe nuk janë në luftë janë 10 koncesionarët e Edi Ramës, që nuk u preket asnjë qindarkë. Vetëm këtë vit Edi Rama planifikon t’u japë pa asnjë dobi për qytetarët plot 120 milion euro! Qeveritarët e korruptuar dhe oligarkët janë të babëzitur, jo pronarët, që mbijetojnë me të ardhurat e siguruara nga qiraja!

Shyrja e qirave nuk është zgjidhje. Qiratë duhet të subvencionophen nga shteti, siç po bëjnë vendet fqinjë. Pas 2 muajsh aftësia paguese e bizneseve do të jetë edhe më e pakët. Vetëm Edi Rama nuk e kupton këtë, sepse i bën llogaritë e biznesit të vogël që mezi mbijeton në kushte normale, bazuar në fuqinë ekonomike të tij dhe të 10 oligarkëve, që pasurohen çdo ditë me paratë e shqiptarëve”, shkruan Edi Paloka.

https://www.facebook.com/photo.php?fbid=2376195106011795&set=a.1766340456997266&type=3&theater

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm