Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vetëvrasjet e dy grave në Durrës e Tiranë, psikologu nxjerr studimin e fundit: I stresojnë burrat  

Politiko 7 Gusht 2018, 12:51
Vetëvrasjet e dy grave në Durrës e Tiranë, psikologu nxjerr

Ditët e fundit opinioni publik është tronditur nga dy ngjarje të rënda. Në mediat dhje sipas njoftimit zyrtar të policisë, dy gratë janë vetëvrarë.

Bëhet fjalë për gruan e gjyqtarit të Krimeve të Rënda, Enkelejda Hallunaj, e cila u hodha nga kati i 8-të i ballkonit në qendër të Tiranës, ndërsa ditën e djeshme gruaja e një polici në komisariatin e Portit të Durrësit u gjet e vrarë me plumb në kokë në banesë. Sipas policisë dhe dëshmisë së të shoqit, 47-vjeçarja ka vrarë veten me armën e shërbimit të të shoqit.

Psikologu i njohur Edmond Dragoti, nisur nga këto raste publikon studimin e fundit nga “Today” dhe thekson se në ditët e sotme gratë stresohen dy herë më shumë nga burrat.

“Sipas një Sondazhi të Today, është gjetur se burrat e sotëm i stresojnë bashkëshortet e tyre dy herë më shumë se fëmijët . Në sondazh janë pyetur mbi 7000 nëna, të cilat e vlerësojnë stresin e tyre me 8.5 nota në 10. Dhe 46% e tyre shprehen se burrat e tyre u shkaktojnë më shumë stres se fëmijët e tyre.

Sipas studimit:

1. Nënat stresohen më tepër se nuk kanë kohë të mjaftueshme gjatë ditës për të bërë atë që duhet të bëjnë.

2. 3 në 4 nëna me partnerë pohojnë se ato bëjnë më shumë punë prindërimi sesa punë shtëpie.

3. 1 në 5 nëna thonë se stresi më I madh është ngaqë nuk kanë ndihmë nga bashkëshortët e tyre.

Ndërkohë sipas një studimi tjetër të Universitetit të Padovas, shëndeti i partnerëve kur humbasin njëri tjetrin shkon në drejtime të kundërta. Kështu, kur vdes gruaja, shëndeti i burrit të ve keqësohet më tepër. Ndërsa kur vdes burri, gruaja gëzon shëndet më të mirë. Madje e ka më të lehtë të përballojë stresin dhe depresionin. Kjo ndodh ngaqë burrat lidhen ose varësohen më tepër nga gratë sesa e kundërta.

Dhe në të vërtetë, burrat e divorcuar kërkojnë të martohen prapë, ndryshe nga gratë e divorcuara. Dhe të mendosh të ardhmen e brezit të ri! Ndoshta prandaj shoqëria e sotme po e dobëson gjithnjë e më shumë rolin e martesës. Ose të paktën, po e shtyn moshën për martesë!...”, shkruan psikologu.

Të fundit