Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vettingu/ Shtyhet vendimi për Donika Prelën, shkaku që publikon KPK

Politiko 29 Janar 2019, 08:32

Vettingu/ Shtyhet vendimi për Donika Prelën, shkaku që publikon

Komisioni i Pavarur i Kualifikimit shtyn vendimin për drejtuesen e Prokurorisë së Krimeve të Rënda, Donika Prela, në saj të procesit të vettingut.

Njoftimi vjen nga KPK, duke sqaruar se vendimi është shtyrë për në datë 5 shkurt për shkaqe të arsyeshme, por pa dhënë detaje konkrete.

Njoftimi:

Komisioni i Pavarur i Kualifikimit njofton se, për shkaqe të arsyeshme, seanca e shpalljes së vendimit për subjektin e rivlerësimit, Znj. Donika Prela, me detyrë drejtuese e Prokurorisë së Shkallës së Parë për Krimet e Rënda, përcaktuar në datë 29.01.2019, ora 10:00, do të shtyhet për në datë 05.02.2019, ora 9:00.

Kjo seancë do të mbahet në të njëjtën sallë në Pallatin e Kongreseve, në Tiranë!

Përplasjet me përfaqësuesin e ONM-së, Theo Jacobs

Përfaqësuesi i ONM-së, Theo Jacobs, ka ngritur dyshime mbi të ardhurat familjare të Prelës, e konkretisht për pagën e të shoqit, pasi nga viti 2003 deri në 2011 është marrë cash dhe jo në bankë në seancën e parë dëgjimore më 22 janar.

“Jam i sigurt që ju keni provuar që të pini ilaçe në mëngjes dhe ato ilaçe të lënë një shije të keqe dhe s’mund ta pish mire kafen.

Dhe pas drekës shija përmirësohet. Kam lexuar dosjen tuaj dhe në akoma nuk kemi arritur në kohën e drekës për të shmangur dyshimet për të larguar shijen e keqe në gojën time. Pse bashkëshorti juaj e ka marrë pagën në të holla dhe pse ai ka pasur llogari bankare? Kjo mund të duket pyetje pa vend por ju e dini në diskutimet tona dhe se nuk janë paguar taksat me koincidence ose jo?

Më ndihmo të kuptoj se kjo nuk është rastësi pse bashkëshorti juaj është gënjyer nga kompania e ndërtimit. Ato e kanë ndërtuar në këtë mënyrë për të shmangur pagesën e taksave. Pyetja është bashkëshorti juaj është viktimë apo bashkëpunëtorë në këtë skemë?”, është shprehur përfaqësuesi i ONM në seancë.

Nga ana tjetër Prela u përgjigje: “Detyrimi i takon kompanisë të paguajë detyrimet në shtet, por në momentin që u informua për këtë gjë bëri padi civile duke kërkuar kthimin”.

Akuzat

Donika Prela pjesë e dosjes 339, e kapur në përgjim me bandën e Avdyljave?

Deputeti Enkelejd Alibeaj, në një dalje për median, i ka bërë thirrje KPK që hapë kamerat e dhjetorit dhe “të konfirmojë që Donika Prela, në konflikt të hapur inetresi, është takuar gjatë periudhës që ishte nën veting me anëtaren e trupës së vetingut, Valbona Sanxhaktari”.

Po ashtu, sipas Alibeajt, organet e vetingut duhet të hetojnë dhe të japin përgjigje nëse është Donika Prela pjesë e dosjes 339, e kapur në përgjim me bandën e Avdyljave duke biseduar me kreun e bandës Astrit Avdylaj