Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Video-editorial/ Alfred Lela: Naftëtarët, shumë ‘privatizime’ dhe një tradhti

Politiko 6 Tetor 2020, 19:02
Video-editorial/ Alfred Lela: Naftëtarët, shumë

Pamjet e fundit, që ndoshta mbani mend, nga naftëtarët e Ballshit janë të mjegullta. Jo për ju po për ta. Në tubimin e fundit, ku kërkonin pagat e padhëna, para ministrisë së Ekonomisë, policët përdorën gaz lotsjellës mbi ta. Ministri i Brendshëm dhe qeveritarët e tjerë, me sa duket, janë të verbër para natyrës së demonstratave, qofshin këto të opozitës, që u kërcënojnë karrigen, apo naftëtarëve, që u shprishin përrallën e ëmbël me të cilën vetësugjestionohen për karvanin e Shqipërisë që shkon përpara.

Ndoshta mbani mend edhe marshimin e tyre nga Fieri për në Tiranë. Qindra punëtorë që marrin rrugën në këmbë pasi nuk paguhen prej më shumë se një viti, janë një pamje dramatike. Tani janë futur në grevë urie duke ja kërkuar zgjidhjen njërit prej partnerëve në këtë kaos, shtetit. Armo, Deveron, TP & D, Tosk dhe emra të tjerë që kanë pasuar janë zhdukur duke zëvendësuar njëri-tjetrin, në lëvizje që nuk i ngjajnë rastësive, por një skeme.

Kjo që shihni te odiseja e këtyre 800 shqiptarëve, që sipas profesionit quhen naftëtarë, nuk është vetëm pamja e tyre. Është edhe e juaja që bëni shikuesin.

Eshtë pamja edhe e ekonomisë shqiptare. E një sektori strategjik të saj që ka kaluar nga dora në dorë duke mbetur tashmë pa zot e pa adresë.

Në fund të pusit të errët të kësaj drame ekonomike, shoqërore e politike, ndodhet një e vërtetë që lëshon xixa të së keqes. Sa më shumë emra kompanish, vendase e të huaja, stivojnë mbi të për ta errësuar ajo sërish verbon.

Naftëtarët janë një dëm anësor. Në qendër janë dy-tri pyetje që sfumohen nga zhurmat. Pse një ndërmarrje publike rentabël, pjesë e sektorit strategjik të ekonomisë, ka hedhur në rrugë punëtorët duke shpallur falimentin?

A lidhet falimentimi me interesa okulte biznesesh të mëdha të naftës në vend, për të cilët suksesi i rafinerisë së Ballshit do të thotë më pak fitime?

Pse, shumica e kompanive që kanë blerë apo marrë me qera rafinerinë, janë të regjistruara off shore?

Apo është e gjitha keqmenaxhim pa asnjë konspiracion në mes?!

[video width="1920" height="1080" mp4="https://cdnimpuls.com/politiko.al/uploads/2020/10/WhatsApp-Video-2020-10-06-at-18.05.24.mp4"][/video]

Të fundit