Video/ Të burgosurit në Ohio i dërgojnë drogë dhe celular përmes dronit, kamerat e sigurisë fiksojnë momentin

Diçka e pazakontë është kapur nga kamerat e sigurisë në burgun e qarkut Cuyahoga në Ohio, ShBA. Autoritetet e burgut kanë bërë publike një video me momentet kur një të burgosuri i hidhet me dron një pako me marijuanë dhe një celular.

Menjëherë ai merr pakon dhe e mbulon me uniformën e burgut. Të burgosurit e tjerë nuk reagojnë.  Pas incidentit policia ka nisur hetimet. Ende nuk është identifikuar personi që drejtonte dronin.
Associated Press ka publikuar videon në fjalë.