Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Videoja për priftin, reagon Lila: Kërkoj ndjesë, deklarata idiote

Politiko 27 Mars 2017, 16:30

Videoja e publikuar disa ditë më parë nga Imami Ahmed Kalaja ku Andi Lila bëri shaka me disa histori të tij personale për priftin e PAS Janines, u prit keq nga fansat e lojtarit dhe gjithë ndjekësit. Kjo zhurmë shkoi deri në Greqi, ku grekët “kërkuan kokën” e Liles.

Pas gjithë kësaj zhurme ka ardh një reagim nga ana e  31-vjeçarit, e cili e quan veprimin e tij të pamenduar dhe jo dashakeq, duke kërkuar ndjesë për çdo njeri të fyer. Lila shpreson që i gjithë ky keqkuptim most ë ndikoje në ecurinë e këtij sezoni.

Lexoni reagimin e plotë të Andi Liles:

 “Disa nga ju mund të kenë parë një video të publikuar disa ditë më parë në internet, ku unë shfaqesha duke bërë disa deklarata mendjelehta në lidhje me një prift. Do të dëshiroja t’i kërkoja falje çdokujt që është ndjerë i fyer, sidomos priftit në fjalë. Ai është një zotëri që e ka PAS Janinën në zemër dhe nuk e meritonte që unë të tallesha me të.

Fjalët e mia ishin të pavend dhe jashtëzakonisht të pandjeshme.

Nuk po mundohem të mbroj veprimet e mia, por këto deklarata u bënë në mënyrë private dhe me shaka, dhe jo me qëllimin për të ofenduar ndokënd. Tani e kuptoj që deklaratat e mia ishin të pandjeshme dhe idiote.

Sjellja ime ishte jashtëzakonisht e papërshtatshme, e papjekur dhe me mungesën e respektit që PAS Janina meriton. Kjo është një shpërqendrim nga qëllimi ynë për të arritur Europën këtë sezon.

Që nga dita e parë unë jam mirëpritur në Greqi dhe nuk kam asgjë tjetër përveç dashurisë dhe përzemërsisë për gjithë popullin grek. Gruaja ime, unë dhe djali ynë i vogël e konsiderojmë Greqinë si shtëpinë tonë dhe ndjehem thellësisht i keqardhur që ndokush mund të jetë ndjerë i ofenduar nga veprimet e mia të mendjelehta.

Edhe një herë kërkoj ndjesë për veprimet e mia dhe shpresoj ta hedhim pas krahëve këtë çështje. Pres me padurim të kthehem në Greqi pas shkëputjes me Kombëtaren. AL”.

Të fundit