Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Viti i Qenit

Politiko 1 Dhjetor 2017, 19:14

Naum Mara

Që viti 2018 do jetë një 'vit vendimtar' për Shqipërinë, jo vetëm se do jetë 'viti i Skënderbeut', këtë tashmë e ndjejnë të gjithë.

Rastësisht, ose në mënyrë domethënëse, sipas horoskopit kinez është edhe 'Viti i Qenit'.

Po t’i besojmë horoskopit kinez dhe njëkohësisht edhe antikitetit grek, ky do jetë viti i cinikëve. Por, cinikët nga natyra janë mosbesues dhe jo aq besnikë sa do donte të ishin kryeministri ynë i nderuar Rama.

Sipas tij, ne, “qentë e medias”, që lehim ndaj “karvanit që ec para” do vazhdojmë të lehim kot. Por duket se ky “karvani, që ecën para” mund të ketë edhe pak drogë të të fshehur nëpër baule, gjë që edhe pse nuk na kthen ne në “qen antidrogë“ (nga ata të pikave kufitare), na bën më të besueshëm në lehjet tona.

I pari në anët tona, që zbuloi raportin tonë të çuditshëm me qenin, ka qënë Zylo Kamberi me shprehjen e tij të famshme “Qeni është kafshë besnike. Pse mërzitemi kur na thërresin qen?” Duket që prifti korçar, At Vangjel Terezi nuk do e ketë lexuar Dritëronë, se në të kundërt nuk kishte pse të kërkonte të falur, kur në tifozllëk e sipër kishte quajtur tifozët e Partizanit “qenër të kuq”. “Djajtë e kuq” quhen gjithë tifozat e Manchester United dhe Standard Liege, që nga pikpamja priftërore është ku e ku më keq se ‘qenër të kuq”.

Me inteligjencën , që e karakterizon, ministri Majko psh e ka kuptuar rëndësinë e Qenit dhe vetëm si të hyjmë në vitin e tij, ai do i thotë të vërtetat e mëdha patriotike. “Pas 1 janarit do flas!”, tha Pandi me një pamje sfinksi, por që për shkak të profilit të tij të veçantë nuk dukej si kokë luani. Ndoshta ka kopjuar pak edhe ambasadorin Lu, që për këtë vit e ka mbyllur sezonin e peshkimit të “peshqve të mëdhenj” dhe do e fillojë pikërisht sa të hyjë Viti i Qenit.

Ndoshta në Janar edhe Saimir Tahiri do arrijë të mbrojë në Kuvend ligjin e tij për mbrojtjen e kafshëve, ku mbrojtja e qenve do zërë vendin kryesor. “Tahiri është trim”, deklaronte dikur Ben Blushi, “por është Rama frikacak”. Unë e besoja Blushin se i njihte nga afër miqtë e tij, por u zhgënjeva nga kuitjet e Sajes në emisionin “Opinion”.

Me siguri, Ministria e Bujqësisë dhe Zhvillimit Rural, e shquar këto muaj për nisma dhe slogane, do nisë një fushatë të re të re “Një qen, një euro”, se nuk mund të kuptohet Zhvillimi Rural pa qenër stani, pastorë gjermanë, langoj dhe bastardë.

Në vitin 2018 do hapen përfundimisht negociatat për antarësim në Bashkimin Europian.

Për të patur më shumë fat, e mira është, që delegacioni ynë të përfaësohet nga politikanë të shenjës së qenit, si Bledi Çuçi dhe Niko Peleshi nga pozita, dhe Edmond Spaho nga opozita. Vetëm kështu mund të garantohet, që përfaqësuesit tanë nuk do kthehen nga Brukseli si “qenër të rrahur”.

Mbase do jetë viti i parë pa Akademinë e Shkencave, por para se t’i vihet dryni përfundimisht, akademikët duhet të ripërkufizojnë shprehjen “jetë qeni”.

Një variant mund të jetë: “Mënyrë e gëzuar të jetuari në periudhën e qeverisjes të Shqipërisë nga Edi Rama.”