Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vizita në Greqi rikthen sërish përplasjet midis Ramës dhe Metës

Politiko 30 Tetor 2019, 18:35
Vizita në Greqi rikthen sërish përplasjet midis Ramës dhe

Kryeministri Edi Rama mori një mesazh të qartë nga vizita në Greqi. Atje ai u takua me homologun e tij, Kiriakos Mitsotakis, me këtë të fundit që ia bëri të qartë që duhet që të zgjidhin njëherë e mirë marrëveshjen detare mes dy vendeve.

Nëse kjo nuk ndodh, atëherë qeveria greke do të vendosë veton sa i përket hapjes së negociatave për hyrjen e Shqipërisë në BE, duke i sjellë një tjetër problem kryeministrit Edi Rama.

Por për kreun e qeverisë shqiptare nuk ka për të qenë e lehtë. Pikë së pari, ai duhet që të bindë presidentin Ilir Meta që të firmosë marrëveshjen e re, e më pas ajo të ratifikohet në parlament.

Muaj më parë, kreu i shtetit e bëri të qartë se ai nuk do të firmosë asnjë marrëveshje pa u ngritur Gjykata Kushtetuese.

Ndërkohë që sipas burimeve të “Politiko-s”, edhe pse nga Rama është tentuar sërish që të merret një përgjigje pozitive nga Meta, ky i fundit e ka bërë të qartë se nuk lëviz nga qëndrimi i tij. aktualisht presidenti ndodhet për vizitë zyrtare në Kroaci, kurse kryeministri pas vizitave në Athinë dhe Bruksel u kthye në Tiranë.

Në Gjykatën Kushtetuese ka vetëm 2 anëtare, ndërsa tre të tjerë janë në pritje për t’u zgjedhur. Por që të mund të arrihet deri te marrëveshja e re detare, do të duhet një përpjekje e madhe nga ana e kryeministrit Edi Rama.

Të fundit