Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Vjon procesi i përzgjedhjes së kandidatëve për deputet", Mustafaj: Zgjedhjet e ardhshme janë në anën e PD-së

Politiko 25 Gusht 2020, 18:15

"Vjon procesi i përzgjedhjes së kandidatëve për

Ish-ministri i Jashtëm dhe tashmë anëtar i Komisionit të Përzgjedhjes së Kandidatëve për deputet të Partisë Demokratike për zgjedhjet e ardhshme, Besnik Mustafaj, ka deklaruar se vazhdon procesi i pandarë i përzgjedhjes së kandidatëve më të mirë për deputet të PD-së.

Ndërsa ka qenë i ftuar në rubrikën “Opinion”, Mustafajt është shprehur se kjo përzgjedhje e kandidatëve për deputetë, ka bërë që anëtarësia e Partisë Demokratike të jetë më pozitive, teksa ka shprehur bindjen e plotë se ky proces do i japë fitoren PD-së.

“Ne vazhdojmë që të përzgjedhim kandidatët për deputet të PD-së. Ngarkesa është e madhe, sepse janë rreth 4000 persona që janë propozuar. Kemi presion shumë të madh, atë të kohës. Në fund do të zgjedhim diku tek 300 persona, që do jenë ata që do të përzgjidhen e kanë kredicialitetet. Faza e parë mund të mbarojë këta ditë. Gjithcka do të përfundojë në mes të shtatorit ose pak më vonë. Normalisht kandidatët duhet të jenë me shkollë të lartë, duhet që të mos kenë lidhje me krimin e organizuar, gjëra që dihen.

Janë edhe figura si mësues, njerëz që kanë influencë. E gjitha tregon se fitorja është në anën e Partisë Demokratike. Është një formular, me 30 faqe, ku kandidatët duhet të përgjigjen ndaj pyetjeve. Ky formular vetëdeklarimi që është 30 faqe, është si në vendet e BE. Pasi të zgjedhim diku tek 300 kandidatë, anëtarësia zgjedh kandidatët zyrtarë. Jemi 5 vetë në këtë komision dhe gëzohem për këtë punë. Kjo është risi, që po e bën PD-ja. Me këtë proces, ngushtohet roli i kryetarit të PD-së. Anëtarësia e PD-së duket optimiste, cka përgatit fitoren e Partisë Demokratike”, tha Mustafaj.

Duke folur për krizën politike në Bjellorusi dhe faktin se Edi Rama mund të kryesojë OSBE-në, për të zgjidhur këtë krizë, Mustafaj tha se autoriteti i kryeministrit shqiptar është dëmtuar rëndë, aq sa është kthyer në person të pabesueshëm.

“Përpjekjet e zotit Rama për të luajtur rolin për ndërmjetësim në BE janë të drejta. OSBE ka qenë dhe është për monitorimin e zgjedhjeve. Në Bjellorusi ka ndodhur manipulimi i zgjedhjeve. Mua nuk më duket aq problematike sjellja e Lukashenkos, por Rusia. Rusia është hera e parë që pengon kryetarin e radhës që të shkojë atje. Nëse do ishte pala suedeze (që vjen më pas) do pranohej.

Rama është kritikuar ashpër nga të gjitha institucionet, përfshirë OSBE-në, dhe kjo tregon se autoriteti i tij është i dëmtuar dh është i pabesueshëm. Rama nuk konsultohet as me diplomatët, por vepron sipas kokës së tij. Duhet dialog patjetër në Bjellorusi dhe të ketë marrëveshje mes opozitës dhe maxhorancës. Diplomacinë e vërtetë të OSBE e zhvillon Sekretariati”, u shpreh Mustafaj.

Në lidhje me zgjedhjet në Mal të Zi që pritet të mbahen së afërmi, Mustafaj tha se nëse shqiptarët bashkojnë votën në këtë shtet, ata mund të përfaqësohen deri edhe me 3 deputetë.

“Vëmendja ime më e madhe është tek shqiptarët. Shqiptarët edhe pse janë thuajse 10 përqind, kanë vetëm 1 deputet. Në zgjedhje janë dy koalicione, Koalicioni “Koha është tani” dhe një listë tjetër, ku janë tri parti të papërfaqësuara në parlament. Unë jam gëzuar shumë që në Tuz shqiptarët u bashkuan dhe morën kryetarin e komunës.

Nëse bashkohen të gjitha votat e shqiptarëve, mund të merreshin jo 2, madje 3 deputetë. Sipas sondazheve, koalicioni ku është zoti Nimanbegu mund të marrë 2 deputetë, kurse koalicioni tjetër nuk arrin dot pragun. Duhet rritur presioni mbi shumicën malazeze në pushtet”, vijoi më tej Mustafaj.