Vladimir Putin shpreh ngushëllimet për viktimat e tërmetit

Presidenti i Rusisë Vlladimir Putin i ka dërguar një telegram ngushëllimi presidentit të Republikës së Shqipërisë Ilir Meta, pas tërmetit që deri më tani ka shkaktuar 28 viktima e mbi 650 të plagosur.

Kreu i shtetit rus uron që të gjithë të lënduarit të shërohen sa më parë.

“I nderuar zoti President,

Pranoni ngushëllimet e mia të thella për viktimat e shumta dhe pasojat e tmerrshme të shkaktuara në vendin Tuaj nga tërmeti.

Ju lutem t`u përcillni të afërmve të viktimave fjalë ngushëllimi dhe përkrahjeje, si edhe urimet për shërim sa më të shpejtë të të gjithë të lënduarve.

Vladimir Putin

Moskë,

Më 27 nëntor 2019”