Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vlahutin për reformën në administratë: Duhet të ndryshojnë rregullat dhe mendësia

Politiko 10 Korrik 2017, 11:50

Vlahutin për reformën në administratë: Duhet të

Në 27 muaj e zbatimit të projektit të binjakëzimit “Mbështetje për reformën e shërbimit civil në Shqipëri” janë mbështetur përpjekjet e Shqipërisë në fuqizimin e kapaciteteve administrative dhe institucionale për të aftësuar vendin të adresojë detyrimet që rrjedhin nga negociatat për anëtarësimi e në të ardhmen detyrimet që rrjedhin prej të qenit vend kandidat.

Në këtë kuadër, pas përfundimit me sukses të projektit të binjakëzimit ministrja për Inovacionin dhe Administratën Publike, Milena Harito, ambasadorja e BE në Shqipëri, Romana Vlahutin, ajo e Francës, Christina Vasak, si dhe ai i Italisë Alberto Cutilo, morën pjesë në konferencën ‘Diskutimi i nivelit të lartë mbi progresin e reformës në shërbimin civil dhe mbështetja e BE”, për të folur mbi progresin e arritur në reformën e shërbimit civil dhe vlerësuar ndikimin që ka faktori BE në arritjet e deritanishme.

Nga ana e saj, ministrja e Inovacionit dhe Administratës Publike, Milena Harito evidentoi se reforma e administratës publike është një nga 5 prioritetet kyçe për integrimin europian të vendit. Ajo informoi se deri në janar të vitit 2018, do të krijohet regjistri i nëpunësve të administratës, në të cilin do të vendosen të dhënat e plota për çdo të punësuar të shtetit.

Sipas saj, deri tani ky regjistër përmban të dhëna vetëm për rreth 15 mijë nëpunës, ndërsa deri në janar 2018 në të do të përfshihen të dhënat për 90 mijë të punësuar të administratës.

Edhe ambasadorja e Bashkimit Europian në Tiranë, Romana Vlahutin deklaroi në fjalën e mbajtur se reforma në administratën publike është një ndër 5 prioritet kyçe për hapjen e negociatave, ndërsa vlerësoi progresin e arritur deri tani nga qeveria.

Reformimi i administratës publike, vijoi Vlahutin, është një nga reformat më të rëndësishme që i shërben jo vetëm rritjes së kapaciteteve të burimeve njerëzore, apo përmirësimit të shërbimit ndaj qytetarëve, por edhe luftës ndaj korrupsionit si dhe nepotizmit. Vlahutin vlerëson se mungesa e investimeve si dhe pagat e ulëta në administratë kanë bërë që të zhvillohet korrupsioni, ndaj theksoi ajo duhen ndryshuar rregullat dhe mendësia.

Ambasadorja Vlahutin theksoi se edhe qytetarët shqiptare e vlerësojnë si të domosdoshme reformimin e administratës publike. Ajo shprehu angazhimin e Bashkimit Europian për mbështetjen e reformave në vendin tonë. Sipas saj, BE ka dhënë 32 milionë euro për rritjen e kapaciteteve të administratës. Ajo, po ashtu informoi se BE ka një program të ri për dhënien e bursave për të gjithë nëpunësit e rinj që duan të zhvillojnë mastera në BE me kushtin e rikthimit në Shqipëria pas programit.

“Bashkimi Europian pret me padurim për të bashkëpunuar me qeverinë e re dhe do të jetë tërësisht i angazhuar për asistencë në transformimin e administratës publike”, deklaroi Vlahutin.