Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vodhi nën kërcënimin e armës të moshuarit, arrestohet 47-vjeçari

Politiko 6 Shtator 2020, 10:57

Një 47-vjeçar është arrestuar nga policia, pasi nën kërcënimin e një arme të ftohtë, vodhi me dhunë një çift të moshuarish. Ngjarja ka ndodhur mbrëmjen e djeshme në fshatin Pishë të Fierit.

Ndërkaq, mësohet se shtetasi me inicialet, P. Dh., ka vjedhur duke kërcënuar me spatë 70-vjeçarin V.P. një shumë prej 30 mijë lekësh të reja dhe më pas është larguar.

Policia ka bërë të mundur arrestimin e 47-vjeçarit dhe sekuestrimin e në cilësinë e provës materiale të parave dhe mjetin prerës sopatë.

Njoftimi i plotë i policisë:

Policia zbardh në kohë rekord ngjarjen e ndodhur në fshatin Pishë të Fierit.

Vodhi me dhunë një çift të moshuarish, falë reagimit të shpejtë e profesional, Policia identifikoi dhe arrestoi autorin e dyshuar.

Policia sekuestroi edhe shumën e parave të vjedhura si dhe një sopatë me të cilën autori kërcënoi çiftin e të moshuarëve.

Shërbimet e Komisariatit të Policisë Fier pas telefonatës së marrë rreth orës 23:00, se në fshatin Pishë të Fierit kishte ndodhur një vjedhje me dhunë, menjëherë kanë shkuar në vendngjarje së bashku me grupin hetimor.

Falë profesionalizmit dhe reagimit në kohë, policia bëri të mundur identifikimin e autorit dhe pas disa orë ndjekjeje dhe kërkimesh bëri të mundur lokalizimin, kapjen dhe arrestimin në flagrancë të shtetasit P. Dh., 47 vjeç, banues në Pishë.

Gjithashtu shërbimet e Policisë kanë sekuestruar në cilësinë e provës materiale paratë dhe mjetin prerës sopatë.

Nga veprimet e para hetimore te kryera nga Specialistët për Hetimin e Krimeve në Komisariatin e Policisë Fier, rezultoi se ky shtetas, rreth orës 23:00 të një natë më parë, është futur me forcë duke thyer derën e banesës së shtetasit V. P., 70 vjeç, dhe nën kërcënimin e një arme të ftohtë (sopatë) ka arritur të marrë me dhunë 30 mijë lekë të reja dhe më pas është larguar.

Materialet do i kalojnë Prokurorisë pranë Gjykatës së Shkallës së Parë Fier për veprat penale "Vjedhje me dhunë" dhe "Mbajtja pa leje e armëve të ftohta".

Të fundit